“weganan di futbol escolar categoria C mucha homber”


Diahuebs 29 di april a tuma lugar na tereno di RCA, weganan di futbol escolar categoria C mucha homber, organiza pa IBiSA.


Weganan aki a sigui cu tur regla di protocol di deporte vigente.

Tabata tin tres wega cu a tuma lugar y prome wega tabata entre Maria College Dep. y International School of Aruba cual wega a wordo gana pa International School of Aruba cu score di 4-3.

E di dos wega tabata entre Maria College y Juliana School y aki Maria College a bay cu e victoria cu score di 10-1.

Ultimo wega tabata entre Mon Plaisir College y Colegio San Antonio y aki Mon Plaisir College a gana Colegio San Antonio cu score di 5-1.

Weganan ta continua den dianan venidero, keda pendiente pa mas informacion di IBiSA, por sigui IBiSA tambe riba rednan social tanto facebook como Instagram.

1 view0 comments