The new paradigm of leadership



Plataforma hoben(nan) professional tin como meta suministra nos comunidad cu information y conocemento relaciona cu differente elemento essential den nos comunidad. Information y conocemento ta un instrumento util pa asina causa un impacto radical den bo propio bida y tambe den bo comunidad. E thema cu nos lo amplia y desaroya ta relaciona cu un perspectiva nobo relaciona cu liderazgo. Den momento nan conflictivo cu nos bibando aden, nos mester lider(nan) pa ta protagonista y causa un impacto positivo.


Liderazgo ta un componente essential den cada rango di nos sociedad. Un thema cu sigur no ta perde actualidad den e tempo conflictivo cu nos ta enfrentando. Tin un caracteristica cu tur protagonista den nos comunidad tin encomun cual ta e capacidad pa lidera. Tin differente perspectiva relationa cu liderazgo. E tarea asigna na nos ta pa evalua cua paradigma relationa cu liderazgo ta efficiente albes effectivo den e contexto actual di nos sociedad. E definicion di liderzago segun author James Autry ta e hablidad pa sirbi esnan cu ta ressorta bou dibo responsabilidad. Nos ta desea di ofrece un paradigma nobo relationa cu liderzago un cu no ta basa riba e perspectiva anticua di poder y dominio, ma un cu ta basa riba servicio na humanidad. Un articulo dedica na cada lider y cuidadano den nos comunidad.


Den nos sociedad mas cu nunca, tin e necesidad di personan(nan) di influencia cu ta inspira confiansa. Personan(nan) cu ta un modelo pa sigi y albes un fuente di inspiracion cu ta provoca un cambia radical di pensamento y actitud. Den essencia nos lider(nan) tin poder pa provoca un revolucion den cada persona den nos comunidad. Nos ta encontra lider(nan) den cada sector di nos comunidad y ta nos meta pa reta cada lider pa hiba un liderazgo conforme e era nobo.


Un cambio den e paradigma di liderazgo ta urgentemente necesario den tur sector di nos isla. Ta papia di un cultura riba nos isla caminda ta bisa:” Cualkier cos cu ami ta bisa, asina e ta, of asina e mester ta” of “Ami ta manda”. Sin dialoga pa compronde e otro persona.

E dos phrasenan aki tin hopi tin falta di clase y no mester ta parti di nos vocabulario. Lider y hefe ta dos cos differente y ta hopi importante pa nos compronde e differencia akinan. Un Lider no ta tuma credito pa trabou di otro, un hefe si. Un Lider ta traha hunto cu su team, un hefe ta bisa su team kiko pa hasi y laga nan hasi e trabou.


Akinan riba nos isla nos egocentrismo ta cay den caminda pa hopi cos y por affecta nos tur. Esaki no ta refleha bon riba esan cu ta observando e situation. Ta berdad cu bo por ta egoista den un area cu tur otro hende tambe ta egoista. Den un situation asina tur hende ta siego pa nan mesun egocentrismo. Nos mester un cambio drastico den nos manera di liderazgo riba nos isla, den e sector gobernamental y especialmente den e sector di hospitalidad. Hende a wordo pone den position di liderazgo cu no ta cualifica, causando un atmosfera desagradabel pa e resto di e empleadonan. Nepotismo ta hunga un rol hopi grandi y empleadonan ta wordo silencia y provoca na trabou dor di nan supuestamente lidernan. Ora un empleado pubra di expressa su opinion nan ta tuma e riesgo di wordo termina. Cual no ta mustra bon pa ningun empresa. E pregunta ta:”Kiko por wordo hasi den e tipo di situationan aki?

7 views0 comments