Sr. Raymond Knops a haci bishita na Fundacion Contra Violencia Relacional

Sr. Raymond Knops a haci bishita na Fundacion Contra Violencia Relacional y a keda sumamente impresiona cu e shelter nobo.



E directiva di e fundacion a yama, Secretario di Estado pa Asuntonan Interno y Relacionnan den Reino, esta sr. Raymond Knops bon bini y a dun’e un recorido na e shelter nobo na unda cu ela mira e edificio den fase final. Despues di casi un aña pasa Drs. Knops a haci otro bishita na Fundacion Contra Violencia Relacional. Drs. Knops a bin acompaña pa representantenan di VNO (oficina di representacion di Hulanda na Aruba) y Prome Minister di Aruba sra. Evelyn Wever-Croes.


E prome bishita di sr. Knops na e fundacion tabata den luna di januari 2020 na unda cu e y su delegacion a haya orientacion y splicacion amplio di e trabounan y plannan pa futuro. Drs. Knops a mustra hopi interes e tempo ey y a bisa di lo bolbe y actualmente cu e ta na Aruba ela probecha pa mira pa su mes con e desaroyo ta bayendo. Danki na e fondonan di Hulanda por a expande proyecto di shelter pa e bira 16 unit en total.

Manera ta conoci november 2020 a haci un soft opening na e shelter na unda ya por a mira e producto final. Drs. Knops a keda hopi satisfecho cu tur e trabounan cu FCVR ta desplegando y e proyectonan cu a keda cla a corto plazo. Directiva di FCVR na su turno a gradici e mandatario pa e bishita cortico pero hopi ameno. Awor Fundacion Contra Violencia Relacional por atende mas cliente (victima di violencia relacional) y ademas ta cumpli cu standardnan internacional di shelternan rond di mundo (segun Vedrag van Instanbul).



9 views0 comments

©Bo Informado