Sr Mike Eman ta burla di pueblo un biaha mas y di esnan cu a ser afecta pa e crisis di Covid


Pueblo por a tuma nota di un Mike Eman cu despues di un ausencia basta largo, un biaha mas ta sali di su penthouse y ta purba manipula pueblo y burla di un pueblo cu ta pasandoduro door di e crisis di Covid. Nos por a tuma nota un biahamas di e mesun draaiboek di 2009 y instiga pueblo haciendomanera cu ta culpa di e gobierno aki cu nos ta pasando den e momentoann dificil aki, mientras cu pueblo completo sa cu tadebi na Covid. Sr Mike Eman ta kere cu e pueblo aki a lubidacaba kico el a haci cu nan unda cu danki na su desastre di 8 aña di su Gabinete Eman 1 y 2 pueblo a keda vulnerabel nacualkier shock cu consecuencianan economico y financiero. Un biaha mas nos por a scucha sr Mike Eman ta haci mal usodi un crisis di Covid cu hasta a costa bida di sernan keri pa purba gana simpatia. Nos por a scucha sr Mike Eman papia di recesion na 2018, mientras cu pueblo completo sa cu aña 2019 tabata un aña record pa entre otro nos turismo y cu sigurproyeccion tabata duna cu 2020 lo tabata uno mas mihor aindacu 2019. Banda di esaki sr Mike Eman kier manipula pueblo cu e plataforma social y sigur un biaha mas cu su vision berdecu e biaha aki el a yama e new green deal.

Dialogo social y 1000 voz

Den memoria di pueblo ainda ta fresco e resultadonan di e dialogo social hiba door di sr Mike Eman, unda cu a usa e plataforma aki pa implementacion di un cantidad di medida.No por lubida cu esaki a keda haci cu concientisacion di esnancu tabata parti di esaki y sigur el a percura pa silencia e grupoaki pa 8 aña largo unda entre otro a bin cu e middelloonregeling cu a masacra esnan cu ta baha cu penshun. Tambe a kita e gelijkbedrag di e pensionadonan, aaumenta coriente y a bin cu vastrecht y asina por siguimenciona mas medidanan devastador pa e clase trahador cu awe ta sinti e efectonan ainda di e dialogo social y 1000 vozdi AVP.

Plan Berde di Gabinete Emanm 1 y 2 un fracas total

Pueblo no a lubida e fracaso di e plan berde di sr Mike Emanunda cu ela promote pueblo cu e plan berde aki lo bira e di dos pilar economico di pais Aruba y unda cu lo bin cu 1600 cupo di trabao. Na final di dia e plan aki a resulta den fracasocu a costa Aruba miyones, pero si a percura pa un miyonarionobo esta sr Richard Arends cu a strica den tur e companiananestatal pa organisa e Famoso Green Conference y Europe Meets America, unda cu Web y Elmar y Utilities a sponsor hopi placa pa organisa esaki pero sigur tambe pa paga entre otro na defunto Wubbo Ockels mas di 1 miyon florin, pa oradornan manera Al Gore unda cu a paga miyones di florin pa su discurso y pa por a paga hasta su avion priva cu a trecep’ e papia 30 minuut. Banda di esaki entre otro WEB NV a perde miyones den inversion pa locual ta e acuerdo cu Ecogasy sin conta e fracaso di e flyingwheels y baterianan, e contratodi miyones na Phillips pa pone poco luz na Aruba cu nosmesun hendenan por haci. Na final di dia Mike Eman ya a saca su New Green Deal ora ela bin cu CITGO y cual tambetabata un fracaso manera Mike Eman mes ta. Tur e plannanfracasa di Mike Eman aki a causa si cu nos debe den 8 aña a ser redobla y unda nos GDP tabata core segun CAFT den careda di 93% di nos GDP, cual kemen cu practicamente den bon tempo di cada 1 florin 93 cent ta bay pa paga debe.

Pueblo kier wak e investigacionan riba integridad, mal usodi fondo di pueblo y sigur si e desicion tuma na 2020 por a bai diferente y con AVP lo a haci esaki durante crisis y no despues di crisis ora ta den recuperacion

Pueblo den bista cu e hala scientifico di AVP tin algunprofesor renombra, nos di pueblo kier wak e hala scientificoaki haci algun investigacion specifico y publica e rapportnanpa pueblo por wak con obhetivo nan por ta. Pueblo kier wakun investigacion riba integridad y sigur pa pueblo haya un bista riba nan pensamento riba sr Benny Sevinger, Sr Paul Croes, Sr Richard Arends y nan pensamento riba e votacioncontra e ley di screening di ministernan y sigur con desde e rapport di Mito Croes na 1997 kico partido AVP a haci na e recomendacionan aki pa tin bon gobernacion. Banda di esakipueblo kier wak un investigacion obhetivo di e consecuencianan di e endeudamento cu e vision di Kruger pa nos pais di 2009 pa 2017 y ki efecto e tabatin awendia huntocu e crisis di Covid. Otro investigacion di e hala scientificocu pueblo kier wak t’un estudio riba e entidad nobo cu lo ser introduci pa medio di un ley di reino y sigur nan opinion con por a haci esaki diferente y sigur un otro investigacion cu ta necesario ta kico AVP lo a haci diferente durante e crisis di COVID na 2020, pues sigur si e ayudo brinda den forma di fase, loonsubsidie, ayudo na comercio no tabata lo corecto y sinan lo por a haci esaki na un otro manera?

Sr Mike Eman tin curashi di hunga cu sentimento di esnancu a perde trabao of ta riba fase of tin loonsubsidie

Sr Mike Eman kier bin hunga cu sentimento di hendenan cu di berdad ta pasando hopi duro debi na e pandemia di Covid y sigur no ta pa motibo politico, pero hopi hende ta bringandopa no perde nan bienesnan of nan trabao. Ami, Edgard Vrolijk, ta condena e actitud aki di probechador di sr Mike Eman. Sr Mike Eman ta e unico hende cu prome cu Covid y durante Covid por biba sin salario y sin a perde nada. Sr Mike Eman desde 2017 ta sin trabao y te unda cu nos sa, su persona no ta cobra ni ayudo social pero ta hiba un bida di luho di por drumi dushi tur anochi den airco den su penthouse y core den su SUV nobo nobo y sin traha y sin perde ni sacrifica nada manera pueblo. Si sr Mike Eman no a endeuda nos pais te nagarganta, awe cos por ta diferente unda cu nos no tabatinmester di ayudo di Hulanda, pero unda Aruba ainda por ta ribamercado internacional y unda cu no mester a corta den salariodi trahadornan di gobierno ni entidad di gobierno pa por yudacu fase y sigur awendia por a bay internacional y por a fiaunda hasta por a yega na cubri no 60 pero 80 % di loonsubsidie. Esaki lo tabata posibel paso Aruba lo tabatinespacio financiero. Pero door cu sr Mike Eman nunca a preocupa cu kico por bin pa pueblo, pero semper mester a percura pa bienestar di su sponsernan cu nos tin di asumi cu tedia di awe ta percura pa mantene sr Mike Eman y dune e bidadi luho cu e ta disfrutando di dje mientras cu abo como pueblo y sigur cu a sostene den voto ta pasando den duro.

Pa termina mi tin di bisa c’un biaha mas Sr Mike Eman ta purba di bin cu su mesun plan di 2009 bao un bachi nobo y mas pio ainda sr Mike Eman ta kere cu e por tuma e pueblo aki haci un biaha mas. Su pensamento di cu Covid lo a percura pa tur hende lubida cu ta su persona a endeuda e paisaki sin misericordia ta fout. Sr. Mike Eman a pone nos den e situacion unda cu awe nos tin di soporta abuso pa por hayaplaca pa por salba e pueblo cu el a laga desampara ora el a hasta desprecia esnan cu a vota pa su persona door di no drenta Parlamento. Ta claro cu sr Mike Eman su interessolamenta ta pa ta Promer Minister di Aruba pa e por fix susponsernan p’asina e por sigui hiba e bida di luho unda e por tin un penthouse y por drumi den airco henter dia sin preocupa pa traha mes paso esnan cu ela fix mes ta percura pa e por tin tur luho di mundo, unda abo com pueblo tin di salitraha of busca trabao mes pa pone pan y dak pa bo yuinan.

3 views0 comments

©Bo Informado