SI HULANDA NO MANDA PLACA, NINGUN HENDE POR PAGA SERVICIO DI AWA, CORIENTE Y MAS.




Covid di berdad a bin y a causa daño enorme na hopi famia na Aruba y rond mundo. Hopi te esnan cu a perde trabou y siguridad financiero y varios ta esnan cu a perde nan salud y bida door di Covid. Covid a cambia mentalidad di hopi ciudadano aki na Aruba y a haci cu hopi hende a comprende mas di solidaridad un cu otro. Na Aruba, Covid a bin tambe pa saca hopi berdad na cla. Pasobra no ta tur hende na Aruba cu no a perde kier ta solidario cu otronan cu si a perde entrada.


Y ta e solidaridad aki di hopi, tin e pueblo aki ainda riba pia. E solidaridad aki tin famianan cu pan riba mesa. E solidaridad aki a desminui e desesperacion di hopi ciudadano cu nan no ta sali y comete actonan di ladronisia pa pan pa nan famia.


Pa e motibo aki mes, ta un berguensa grandi cu e SINDICATO SIWA di nos compania nacional WEB kier hiba WEB corte pasobra a kita tiki di nan manera a ser pidi door di Gobierno di Aruba. Pasobra nan no kier continua di ta solidario mas. Ta bon si pa recorda e grupo aki cu ta sostene e sindicato SIWA, cu nan salario ta bin di pueblo cu nan no kier ta solidario cu ne.


BOInformado a haya informacion confidencial di trahadonan di WEB cu si kier sigui ta solidario cu pueblo. Trahadonan cu kier sigui entrega pa esnan cu a perde trabou tambe haya algo fin di luna. 


SIWA ta hiba WEB corte pero hopi di nan miembro ta esnan miho paga den ful gobierno compara cu tur ambtenaar. 22 hende den puesto halto na WEB ta haya un averahe di AWG 492.858 pa aña. Mucho mas cu e algún ambtenaar y parlamentario of e Prome Minister.



Ta e ciudadanonan aki no kier sigui keda solidario cu esnan cu a perde trabou. Nan no kier ta solidario cu e pagadonan di nan salario barbaro. Tur esnan cu ta para tras di sindicato ta pasobra nan no kier pa mishi cu nan salario cu ta yega na un average di AWG 8 mill pa 30 mill pa luna y riba dje nan tin tur beneficio y e 13de maand tambe.


Straño si ta cu sindicato di WEB ta spera cu Gobierno sigui negosha cu Hulanda pa asina nan si sigui cobra e salario cu nan tin. Pasobra si Hulanda no manda placa, ningun hende por paga WEB, ELMAR, entre otro servicionan publico. Pasobra ta e pueblo ta e sostenedonan di salario barbaro di entre otro WEB. Anto cu ki cara nan kier bay dilanti di hues y bisa cu nan no kier sigui ta solidario cu e pueblo pagado di nan salario? Esta un berguensa grandi.


Aki un prueba cu a yega den nos INBOX! SIWA BAY CORTE CU ESAKI TAMBE!

129 views0 comments

©Bo Informado