SETAR ta introduci su servicio nobo di IPTV y Wi-Fi mesh


SETAR a cuminsa haci instalacion di su servicio nobo di IPTV pa e prome clientenan. IPTV, esta Internet Protocol Television, ta un solucion cu ta reemplaza e sistema actual di Cable TV. SETAR lo tin e solucion a base hybrid pues e por traha riba Coax y Fiber.


E IPTV ta bin cu un sistema nobo di Wi-Fi cu yama Wi-Fi mesh. Cu e Wi-Fi mesh network di IPTV, clientenan lo por disfruta di beneficionan di Wi-Fi manera mihor cobertura den tur skina di cas. Banda di esakinan, e Wi-Fi network ta bin cu su app cu por download gratis riba iOS y Android. Via di e app aki por setup parental control, schedule pa paga/cende Wi-Fi na cas p’asina spaar coriente y por tin control di tur devices nan conecta. Tambe por maneha un “Guest network” ora cu tin bishita na cas.


E sistema nobo di IPTV ta bin cu un experiencia completamente nobo p’e usuario. Cu un user interface nobo, moderno y interactivo, e usuario por personalisa esaki, door di crea profile pa cada usuario, traha lista di canalnan faborito y cambia e idioma di e interface.


Tambe tin extra beneficionan manera recordings, startover, catch-up TV y streaming riba celular y tablet cu e SETAR Live App ora ta na cas. Esaki ta disponibel pa 80 canal. E SETAR Live App lo ta obtenibel gratis riba iOS y Android.


E proyecto di IPTV ta uno cu lo bay den fase. SETAR lo bay tuma contacto cu clientenan den diferente barionan cu ta bin na turno pa aplica pa e servicio di IPTV. Asina aki SETAR ta sigui innova y trece lo ultimo den tecnologia y servicio pa su clientenan.





13 views0 comments

©Bo Informado