SETAR ta informa encuanto retraso di instalacion


E pandemia di COVID-19 a trece varios reto cune pa diferente compania, entre otro, tambe pa SETAR. Desde e momento cu COVID-19 a haci su entrada na Aruba, a pesar cu SETAR no a sera y stop di funciona, hopi di e trabounan di nos tecniconan cu ta bishita cas y negoshi a haya retraso y no por a wordo finalisa manera custumber. Ademas di esaki, durante e ultimo lunanan SETAR a ricibi un cantidad di peticion nobo pa servicionan.


Esaki ta trece cune cu clientenan di SETAR por experiencia retraso pa instalacion di servicionan nobo y otro trabounan pendiente. Nos tecniconan ta haciendo nan maximo esfuerso pa por atende cu tur e peticionnan aki lo mas pronto posibel.


SETAR ta pidi su clientela comprension pa cu e situacion y tambe pa corda mantene e distancia social di 1.5 meter na momento cu nos tecniconan bishita cas of negoshi pa nan por haci nan trabou. Pa cualkier pregunta of informacion por yama nos Contact Center na 114 of manda un Whatsapp na 597-9999.



5 views0 comments

©Bo Informado