SETAR: Cambionan den paketenan di Wireless Broadband

E paketenan di Wireless Broadband Prepaid y Postpaid ta conoce cambio.



Wireless Broadband Prepaid

E carchi pa Wireless Broadband Prepaid existente no lo wordo uza mas pa recarga bo Wireless Broadband Prepaid. Awo e cliente mester cumpra credito den forma di bundle via e SETAR App y Setar Online Store (www.setar.aw/store) pa recarga. Esaki ta haci e proceso mas simpel pa por recarga bo Wireless Broadband Prepaid.


Den e menu di e SETAR App, e cliente ta scoge e opcion di Wireless Broadband, scoge e bundle cu ta desea, y despues pone e number di telefon cu ta di e Wireless Broadband MiFi. E cliente lo ricibi un SMS como confirmacion.


Clientenan existente di Wireless Broadband Prepaid mester pasa un Teleshop pa cambia e SIM card di e Wireless Broadband MiFi. Sin esaki clientenan existente no por haci uzo di e bundle nan nobo. Esaki ta sin costo adicional pa e cliente.


Wireless Broadband Postpaid

Clientenan cu tin un Wireless Broadband Postpaid awo por cumpra Postpaid Add-On. Den caso cu e cliente di Wireless Broadband Postpaid su data caba prome cu fin di luna, por subi e SETAR App, scoge Wireless Broadband y scoge cua di e dos opcionnan di Wireless Broadband Postpaid Add-On ta desea. Pone e number di telefon cu ta di e Wireless Broadband MiFi y ricibi un SMS como confirmacion.


Pago di Bundle

Ora di cumpra bundle riba e SETAR App (sea prepaid of postpaid), si e cliente tin un plan di mobil Postpaid, e cliente lo wordo cobra fin di luna riba su cuenta. Si e cliente tin un plan di mobil Prepaid of Hybrid, e lo wordo kita di biaha for di su credito.


Pa haci uzo di Wireless Broadband, clientenan mester tin e aparato di Mi-Fi cu ta e hotspot, caminda por conecta te cu 10 device na mes momento. Pa mas informacion di e aparato di Mi-Fi y e paketenan di Wireless Broadband Prepaid y Postpaid, bishita nos website www.setar.aw of bishita un di nos Teleshopnan pa aplica pa bo Wireless Broadband.

12 views

©Bo Informado