Rey den combersacion cu sector medico na Aruba y Sint Maarten durante crisis di corona


Su Mahestad Rey Willem-Alexander a hiba combersacion online riba diaranson 14 di october cu e empleadonan di e organisacionnan cu den e parti Caribense di Reino, ta ocupa nan mes cu cuido medico rondo di e brote di corona.


Rey Willem-Alexander a papia entre otro cu presidente di Asociacion di Dokter di Cas na Aruba (HAVA) tocante e situacion actual rondo di coronavirus y e manera cu e dokternan di cas ta maneha e situacion di crisis.


Tambe el a papia cu e empleadonan di hospital, servicio di laboratorio y e ministerio concerni na Sint Maarten tocante e consecuencianan di e brote di corona y e impacto di e crisis riba nan trabao. Riba 29 di october Su Mahestad, den e mesun cuadro aki, lo hiba combersacion via video cu sector medico na Corsou.


A traves di e combersacionnan via telefon y online, y unda cu ta posibel haciendo bishita di trabao, Rey Willem-Alexander y Reina Máxima ta informa nan mes tocante e consecuencianan di e brote di corona y nan ta expresa nan apoyo y aprecio pa e compromiso di tanto persona den e lucha contra e pandemia.

9 views0 comments

©Bo Informado