Registro Civil y Censo​


ORANJESTAD - Hefe di Registro Civil y Censo,conhuntamente cu Presidente di Conseho Supremo Electoral, kier a gradici tur persona cu di un of otro manera a duna aporte na e proceso electoral 2021.

Un danki special na personal di:

DOW, KPA, CBS (y Richard Werleman (IT’er)), Crisisteam, Buvo, MFA’s, KIA, Dr. Horacio Oduber Hospital, S.A.B.A, DIMAS (Jacinto Feliciana y Michel Harewood (IT’ers), Core N.V, ITP, Interprint, ProGraphics, Office Systems Aruba, Marietje Printing, Dyon, Setar, Reina,Geekay, Super shopping, Face Mask Aruba, KFC,My Time Snack, Papi’s Catering, Renaissance Aruba Resort & Casino. Si por a lubida un of otro nos disculpa.

Tambe un gradicimento special ta bay na e team di Censo cu a traha incansablemente den e periodo pa preparacion pa Eleccion 2021 y dia di Eleccion 2021. Na tur e 360 miembronan (votadornan) voluntario di e 72 urnanan y nan respectivo presidentenan cu a traha incansablemente y cu honor y dignidad pa cu nos proceso electoral, atrobe un danki di curazon. Boso aporte na e proceso democratico di nos dushi pais Aruba ta sumamente valioso y altamente aprecia. Ta un ciudadano ehemplar, pa tin sentido civico, pa keda neutral y haci e trabou aki, ta ensera sacrificio, oranan largo tras di otro y hasta alegacionan infunda. E no ta facil pero si esencial pa democracia di bo pais. Mi ta pidi esunnan cu ta haci e trabou aki manera debe ser y cu amor, keda asina y semper tene bienestar general na prome lugar.

Un biaha mas, den nomber di Presidente di Conseho Electoral y como Hefe di Registro Civil di Censo, masha danki.

1 view0 comments