RBC Royal Bank:


Retail Banker International a proclama RBC Royal Bank como Latin American & Caribbean Retail Bank of the Year



TORONTO (CANADA) – 30 di juni, 2020 — Retail Banker International (RBI) a proclama RBC Royal Bank (RY na TSX i NYSE) (“RBC”) como Latin American & Caribbean Retail Bank of the Year. A anuncia esaki durante e conferencia y entrega di premio anual di RBI na Londen riba 24 di juni.


A honra RBC Caribbean pa su dedicacion constante na cliente, mientras cu el a cuminsa na un biahe grandi di transformacion den e region cuminsando na 2012 y continuando te dia di awe.


“Na 2012 cos no tabata mustra mucho bon pa nos banco caribense”, Rob Johnston, cabes di Caribbean Banking, Royal Bank of Canada a bisa. “Nos ‘entrada nèto despues di impuesto’ tabata mustra scur y ta bayendo atras. Nos operacionnan tabata desconecta y nos potencial pa inovacion y crecemento tabata parce limita. Nos tabata sa cu nos mester a cambia, anto lihe.”


RBC a cuminsa investiga su red di filialnan y a wak e tendencianan bancario di nan clientenan mas profundamente. E resultado tabata un empuhe pa cambia e filialnan tradicional den sitio cu sosten digital caminda clientenan por a beneficia di conseho financiero experto. E banco a muda tambe di un structura basa riba mercado pa un di un indole mas regional – creando liñanan dedica di comercio cu ta focus riba negoshi di retail, benta specialisa y cliente pudiente. Internamente RBC a introduci “Pan-Caribbean Centres of Excellence” (Centronan Pan-Caribense di Excelencia) ku a yuda stimula e abilidadnan y talentonan di su teamnan regional pa coopera miho como “Un RBC”. Como e di mas importante, e banco a haci inversion nunca bisto den su canalnan fisico y digital, incluso app mobil, filial bancario di retail, Private Banking y posibilidad pa callcenter pa e Advice Centre.


Awe, danki na e cambionan ey, RBC ta den un posicion mas fuerte pa soporta e realidadnan economico cu COVID-19 a trece. Specialmente inversionnan digital a laga mas cliente salta e filanan di espera na e filialnan y probecha di e banco cu servicio completo cu nan tin na nan punta di dede.


“Durante cada cambio – den tempo bon y tempo malo – semper nos a pone nos clientenan central den tur cos cu nos haci”, Johnston ta agrega. “E focus ey ta continua awe y esey ta pakico nos semper lo keda empena pa yuda nos clientenan crece y comunidadnan prospera. Nos a forma parti di e region aki pa mas cu 110 aña. Nos ta biba aki, nos ta traha aki y nos a traha nos kas aki. Nos clientenan ta nos amigunan, nos bisiñanan y nos famianan. E premio aki lo no tabata posibel sin e sosten di e comunidad cu nos ta sirbi. Esaki ta pertenece na nan y nos ta gradici nan pa continua di pone nan confiansa den RBC.”


Banda di e Caribbean Award, RBC tambe a haña condecorashonnan RBI cumbre como North American Retail Bank of the Year y pa Best Loyalty Strategy. A nombra Neil Mc Laughlin, e banco su Hefe di Grupo di Personal Banking y Commercial Banking) (cu ta inclui operacionnan bancario na Canada y Caribe) como RBI su Global Banker of The Year (Bancero Mundial di Aña). Anteriormente e aña aki, Global Finance Magazine tambe a nombra RBC komo Best Private Bank in North America (Miho Banco Priva na Norte America), y tambe Caribbean’s Best Private Bank (Miho Banco Priva di Caribe), Best Caribbean Private Bank for Families (Miho Banco Priva Caribense pa Famia), y Best Caribbean Private Bank for Entrepreneurs (Miho Banco Caribense Priva pa Empresario).


-30-


Tocante RBC den Caribe

Cu mas cu 110 aña di servicio dedica na e region, RBC ta presente den 17 pais y teritorio, cu 52 filial y mas cu 3.000 empleado sirbiendo mas cu un miyon cliente. Como un di e companianan principal den Caribe di servicionan financiero diversifica, RBC ta provee servicio bancario personal y comercial, wealth management, corporate y investment banking, seguro, serviscio di trust y asset management na un scala grandi di cliente, incluyendo individuo, negocia chikito, entidadnan comercial general, empresanan regional y multinacional y gobiernonan. Pa mas informacion, por fabor bishita rbc.com/caribbean.

Tocante RBC

Royal Bank of Canada ta un institucion financiero mundial, cu un enfoke dirigi riba meta y cu principionan orienta pa brinda un desempeño di guia. Nos exito ta bini di e 86.000+ empleado cu ta duna bida na nos vision, balornan y strategia pa asina nos por yuda nos clientenan florece y comunidadnan prospera. Siendo e banco di mas grandi di Canada, y un di e banconan di mas grandi na mundo basa riba capitalisacion di mercado, nos tin un modelo di negoshi diversifica cu un focus riba inovacion y suministrando experencianan exepcional na nos 16 miyon clientenan na Canada, Estados Unídos y 33 otro pais. Pa mas informacion, por fabor bishita rbc.com.


Cu orguyo nos ta sostene un scala amplio di iniciativa den comunidad pa medio di donacion, inversion den comunidad y actividat boluntario di empleado. Mira con na rbc.com/community-sustainability



Pa mas informacion (prensa so):

Andrew McGrath | RBC Communications

Email: andrew.mcgrath@rbc.com | T: +1 (416) 974-3749



7 views

©2020 by Bo Informado