PROME MINISTER TA ENTREGA RAPPORT FORENSICO RDA NA PARLAMENTO


Diabierna atardi, Prome Minister Evelyn Wever-Croes a entrega e Rapport Forensico, cu a wordo haci riba RDA naPresidente di Parlamento, Señor Ady Thijsen.

Parlamento di Aruba na April 2020, durante un reunion publico, a haci e peticion aki pa medio di un mocion entregaconsiderando cu segun Parlamentarionan ya ta basta di scuchatur loke a pasa den e compania RDA y nan kier un rapport forensico. E rapport a tarda 3 luna y e pandemia tabata un factor grandi den e tardansa. Prome Minister a duna di conocecu segun el a comprende, cu e falta di cooperacion di ciertoactornan importante den e investigacion a causa tardansatambe. Prome Minister a indica cu tur Parlamentario por lesaden e rapport cual ta e autornan cu no kier a coopera y cual ta e autornan cu a tarda e investigacion.

Riba e USB stick cu Prome Minsiter a entrega na Presidente di Parlamento, tin dos rapport di cual uno ta e rapport forensicomes riba tur loke a socode den RDA desde e incorporacion naOctober 2016 y feb 2018 cu Prome Minister a dicidi di cambia e hunta di comisario pa pone un paro na tur loke tabatapasando.

“Ta un aña y mei mas o menos caminda tabata tin 21 miyonflorin den e compania (Valero) cu a desparece den 16 luna. Ora e suma di 21 miyon desaparece den e compania ta pasobrabo ta haya algo bek pero akinan no tin nada cu a haya bek. Ora bo puntra pa wak e contractnan di consultants, tampoco tin nada”, Prome Minister a duna di conoce.

E di dos rapport ta esun di RDA na unda e 21 miyon florin akia wordo gasta te cu Februari 2018. Tambe tin un rapport di IT pasobra na momento cu a cuminsa cu investigacion ciertohendenan a delete cierto filenan. Dus tin un rapport riba e computernan cu ta mustra cu tin cosnan ta pasando.

“Mi ta entrega e rapportnan aki na Parlamento awe y mi ta bisa tambe como Gobierno, como representante y accionista, cu mi a papia cu hunta di directiva na momento cu nan aentrega mi e rapport y mi a bisa nan pa asegura cu nunca mas e cosnan aki pasa den RDA y esnan responsabel mester wordoteni responsabel. Esaki ta hopi placa cu por a wordo uza den cosnan importante. Como Gobierno ami a pidi tambeCorporate Governance Commissie pa nan duna Gobiernoconseho tambe pa asegura cu e cosnan aki no ta sosode den otro companianan estatal y pa percura cu nunca nan pasa. Mi a lesa kico tur a bay malo pero e importante ta cu nos a tumaaccion”, Prome Minister Evelyn Wever-Croes a termina bisando.

30 views0 comments