Peticion pa mantene un representante di mayornan den directiva di SVOA.


Comision di mayor di Colegio Arubano a lansa un "petition" dirigi na mayornan cu tin yiu na Colegio Arubano,

https://www.change.org/BanManteneRepresentanteDiMayornanDenDirectivaDiSVOA.

E peticion ta pa mayornan firma y di e forma aki convence Obispado di Willemstad, pa

mantene un representante di mayornan den e directiva nobo di SVOA.

Kico ta e problema?

Dia 30 di september ultimo directiva nobo di SVOA a reuni tocante statutonan nobo pa e fundacion.

Remarkabel den e statutonan nobo aki ta cu, ora nan keda aproba door di Obispo di Willemstad,

mayornan NO tin un representacion mas den e directiva.

Un argumento sano pa exclui e representacion di mayornan, un derecho adquiri desde 2013, OCCA no a

tende te awor.

Nan ta di opinion cu exclui particpacion di mayornan na e momentonan aki lo ta contraproductivo y lo

descontinua innovacion.

Segun OCCA participacion di mayor den nos tempo ta un necesidad.

E ta importante si kier realisa un comunidad inclusivo. E ta sigura cu asuntonan riba nivel di manejo di

skol ta keda conduci cu transparencia, riba un manera husto y cu compasion.

Participacion di mayornan por yuda mantene e espacio di dialogo entre e partnernan, cu ta forma e

comunidad educativo, mayor-, docente y alumnonan iglesia.

Particpacion di mayornan ta yuda hiba e renobacion profundo y necesario pa cu e educacion di nan

yiunan.

A base di esaki nan ta pidi mayornan pa firma e peticion.

Door di haci esey, mayornan ta duna di conoce cu como mayor, nan kier mantene representacion den e

directiva di SVOA.

E peticion lo keda entrega na Obispo di Willemstad.

Mester bisa cu OCCA tin un bon entendimento cu Obispo di Willemstad.

Nan ta spera cu esaki lo ta suficiente motibo pa Obispo di Willemstad keda convenci, di e deseo ferviente

di mayornan cu kier participa activamente pa medio di representacion den e desarollo di boyui y su

educacion.

Ademas participacion di mayor ta di acuerdo cu e Plan Pastoral di Obispado di Willemstad caminda hunto

kier crea e condicionnan pa un bon desaroyo integral di alumnonan. Ta bon conoci e esfuerso cu

mayornan a haci recientemente hunto cu Obispado, pa trece paz y tranquilidad na Colegio Arubano.

Hunto nos ta contribui na adelanto di nos yiunan.

43 views0 comments