PARTIDO MEP TA HONRA PRESIDENTENAN FEMENINO DI PARTIDO Y 3 BOLUNTARIO DI MANTENCION DI CEDE



Dialuna 8 di maart, riba Dia Internacional di Hende Muhe, Partido MEP a honra Presidentenan femenino di Partido naCede di MEP na Santa Cruz. Nos presidentenan di districto, Terry Gumbs, Swinda Winterdaal y Judith Bregita, hendemuhenan activo, fuerte y balente cu ta trek campaña electoral hunto cu nan candidatonan di districtonan. A honra tambePresidente di Fundacion Grace Bareño: Yuyu Croes. Alabes, Partido MEP a honra e 3 damanan cu semper ta mantene Cede di MEP y semper lage limpi y ordena pa uzo y ta encarga cu tur reunion y evento na Cede bay mas organisa. 3 dama cu incansablemente ta pone nan tempo disponibel, Edwina Croes, Hellen Ras y Senovia Curiel.

Nos Partido MEP semper ta conta cu hende muhenan cu ta disponibel pa fortica nos Partido di un of otro manera, cada un den e espacio y tarea cu nan tin den nos Partido. Nos Partido tin un Lider femenino cu ta e Prome Minister di nos pais. Nos Partido tin Minister di Finansa femenino. Y tambe nos Partido tin 3 Parlamentario femenino. Nos Partido tin varios hendemuhe den Directiva. Y riba tur esaki, nos Partido tin hendemuhenan cu ta traha duro tur dia pa nos Partido crece y sirbinos pueblo.

Presidente di Partido, Parlamentario Hendrik Tevreden, na e ocacion aki a gradici e prome Lider di MEP y nos promeMinister President, Evelyn Wever-Croes, pa e trabou grandicu e ta eherciendo especialmente durante e crisis cu nos paista atravesando.

Partido MEP ta gradici tur hende muhe di Partido cu di un of otro forma ta trahando pa Partido y ta duna di nan tempo pa engrandece nos Partido.

9 views0 comments

Recent Posts

See All