Parlamento ta parlamento, gobierno ta gobierno


Prensa ta di cuatro poder na Aruba pa por controla y percura pa democracia por funciona debidamente. Pero locual nos por wak cu 24 ora lamentablemente un biaha mas ta usa grabacion di algun dia anterior, unda cu parlamento no tabata na altura cu nos Promer Minister lo ta biahando pa Hulanda pa purba crea desunion entre parlamento y Promer Minister , pero e tipo di politica barata aki no tin espacio cerca mi persona.


Opinion duna dialuna

Dialuna atardi mi persona a ser entrevista pa 24 ora y a bin un pregunta si mi ta na altura cu nos Promer Minister lo ta biahando pa Hulanda y corectamente mi persona a contesta cu mi no ta na altura. Mi opinion tabata cu esaki no lo ta necesario den bista di e tantisimo trabaonan cu tin y sigur awendia e plataforma digital por ser usa pa termina e proceso y sigur mi opinion ta keda cu circunstancia a haci cu awo nos mester bay di acuerdo cu Hulanda den interes general y esaki ta keda mi opinion.


Parlamento ta na altura di e biahe

Diferente manera 24 ora lo kier pretende cu nos Promer Minister a biaha sin cu nos ta na altura ta totalmente eroneo. Ora un Promer Minister ta biaha semper ta manda informa parlamento cu e lo ta afo pa sea trabao of pa biahe personal y esaki no tabata diferente. Pues e ponencia cu parlamento no ta na altura ta un biaha mas un mentira grandi.


Nos tin pleno confiansa den nos Promer Minister cu ta un persona cu ta haci biahe di trabao ora esaki ta necesario y sigur esaki no ta exepcion y sigur nos Promer Minister no lo kier a haci e biaha aki pero circunstancia a cambia y su persona lo kier ta na Hulanda pa termina e negosacionan personalmente y ta sigur cu locual a ser acorda ta locual su persona lo firma tambe.

Di aki mi ta desea nos Promer Minister hopi exito cu e biahe di trabao aki!


15 views

©Bo Informado