Parlamentario Setty Christiaans-Yarzagaray:


Cantidad di persona cu derecho di voto (electorado) despues di un “opschoning” di registro di Censo y recomendacion pa votaciondigital den futuro


Comparando e cantidad di personanan cu derecho di voto eleccion 2021 cu 2017, por tuma nota cu e cantidad di e aña aki ta 466 menos cu na 2017. Normal ta asina cu cantidad di personanan cu derecho di voto ta subi cada 4 aña. Por ehempel na 2017 tawata tin 3,991 mas persona cu derecho di voto cu na 2013.

Censo a haci un limpieza di su registro

Cada tanto aña ta necesario pa departamento di Censo haci un ronda di opschoning di su registro. Esaki ta necesario mirando cu Censo ta raporta e grandura di e poblacion di Aruba periodicamente. Pero tambe principalmente, mirando cu tur hende cu ta registra na Censo, tin derecho riba aseguro medico via AZV. E tarea di opschoning di registro aki sigur a aporta na reduccion di gastonan medico door di esnan cu no tin derecho riba aseguro medico na Aruba, segunParlamentario Setty Christiaans-Yarzagaray.

Datonan di e ultimo 3 eleccionnan

Mientras na aña 2013 tawata tin 66,758 persona cu derecho di voto, na 2017 esaki tawata 70,749 y na 2021 esaki tawata70,283 persona. Entre e 3 añanan aki esnan cu no ta ehercenan derecho di voto ta fluctua entre 15 y 16% di e poblacionvotador. Na 2013, un cantidad di 58,350 persona a vota mientras cu na 2017 esaki tawata 58,652 y na 2021 58,610 persona a haci uzo di su derecho di voto. Por tuma nota tambe cu na 2013 tawata tin 59 urna, na 2017 tawata tin 62 y na 2021 e cantidad di urnanan a wordo amplia na 70.

Cantidad di votonan invalido

Por nota cu cada biaha durante e ultimo eleccionnan taregistra un cantidad di voto invalido. Na aña 2013 a registra 556 voto invalido mientras esaki tawata 751 na 2017 y na 2021 a registra 890 voto invalido. E resultadonan aki tamantene nan mes rond di 1% di e poblacion votador.

Consehabel pa bay den direccion di votamento digitalisa

Parlamento a ricibi splicacion di e proceso electoral cu e pensamento pa bay den direccion di un test digital e eleccionaki haciendo uzo di scanners. Pa motibo politico esaki no a bay door momento cu partido AVP a protesta. Pa nan si contamanual ta fout y si conta digital tambe ta fout. Ta kico ta bon pa nan anto?

Por constrata, manera ta e caso den pasado caba, cu undahende ta involvi fout por wordo haci. Tanto door di votador como esun cu ta traha na urna. Siendo si haci uzo di scannerscu por programa kico pa lesa, tin hopi menos chens pa foutsosode, mirando cu e scanner ta lesa consecuente na tur urna, e scanner su wowo no tin color politico y un scanner no tinemocion. Den e era di tecnologia y digitalisacion cu nos tabibando aden, ta mas cu logico y comprendibel cu mester cuminsa sondea pa metodo y prepara un pueblo pa un posibeleleccion digital. Cosnan importante manera transaccion di tur nos placa ta sosode digitalmente online. Nos ta uza Facebook diariamente, sin pensa cuanto informacion ta wordo colecta di nos digitalmente tur momento. Pues no por comprende diconno por confia pa votacion tambe tuma lugar den forma digital. Ademas cu esaki ta yuda agilisa e proceso y por resulta masefectivo.

Otro aspectonan pa tene cuenta durante eleccion

Por nota cu hopi atencion ta wordo poni riba kico por a bayfout durante un eleccion sin pensa riba posibel solucion. Si tuma nota cu ya pa añanan e cantidad di votonan ta invalido, di experiencia observando resultadonan na urna por bisa cumas atencion mester wordo poni riba instrui votadornan riba con pa yena su voto riba e formulario. Sin conta otro aspectonan cu ta traha riba e hende, manera para den solo parato largo of hasta cu no tin bon facilidad pa nos hendenangrandi of hendenan cu limitacion. Tur esaki tambe ta trahariba pueblo votador cu na final tin su efecto riba resultado di eleccion.

23 views0 comments