Parlamentario Edgard Vrolijk (MEP): sr. Mike Eman e oportunista di mas grandi di Aruba


Aruba ta pasando den momentonan dificil cu nunca nos no por a premira prome cu maart. Tur cos tabata mustra cu pa di dos aña consecutivo gobierno di Aruba lo a conoce un presupuesto cu un surplus pero lamentablemente nos a haya nos den un crisis sin por a spera pa motibo di Corona Virus , unda cu mundo completo a bai den un shut down mode pa por prepara nan mes debidamente pa por contene y por recupera bek. Nos como isla cu ta depende di turismo a haya un sla pisa y sigur combina cu un debe grandi cu a bin di e periodo di 2009 pa 2017 unda cu Mike Eman y su partido AVP a percura pa duplica nos debe nacional, unda cu nos no tabatin un buffer pa por a wanta un sla externo y sigur unda pa motibo di e debenan crea aki y cu falta di entrada a haci cu nan a downgrade nos y cu lamentablemente dificilmenbte nos como pais por presta riba mercado internacional y ta pa es motibo aki nos ta depende di Hulanda pa fiansa y tambe na tur abuso cu nos ta ser exponi door di Hulanda pa motibo di mal gobernacion di Mike Eman y partido AVP.


Gabinete Evelyn Wever-Croes a busca union den e crisis aki


Nos Promer Minister Evelyn Wever-Croes a sa di para firme y sigur haci lo maximo pa combati e crisis di Covid 19 aki. No solamente riba tereno di salud pero tambe riba tereno di nos finanzas y tambe riba e restart di nos economia den dialogo cu partidonan politico y tambe gremionan pa asina cada desicion cu e tuma ta carga sosten di tur hende. Nos Prome Minister desde cu nos a drenta den gobernacion no tabatin un dia di paz y awo cu e crisis aki pio. Hasta despues di un operacion e mester a bin prematuramente trabao pa atende su responsabilidadnan. Y sigur sin kita afo cu ni nos ni mundo no tin e experencia pa atende cu e crisis di Covid pero hunto cu nos profesionalnan di Aruba riba diferente tereno ta tumando desicionan aunke no ta tur hende ta comparti pero cu mester ser tuma na bienestar di un pueblo.


Mike Eman un oportunista


Lamentablemente nos por a tuma nota e nivel di nos ex Promer Minister sr Mike Eman cu no ta contribui cu nada, miemtras ora nos Prome Minister a invit’e pa duna su contribucion a briya cu su ausencia y awo ta crea un cumbre over di Covid pero pa sinta critica sin duna ningun contribucion. Unico cos cu sr Mike Eman y su partido AVP ta un set di oportunista cu no ta importa dolor di hende pa purba hunga cu sentimento di un pueblo cu ta pasando den momentonan dificil. Sigur e parti mas grandi ta bin pa su mal maneho financiero pero tambe a laga atras un Hospital cu te ainda pueblo ta paga e prijs di e fracaso di Mike y sigur danki na esfuerso di e Minister actual di salud sr Dangui Oduber cu a percura pa Aruba por tin suficiente ICU y personal pa atende cu e problematica di Covid.


Mike Eman mester duna pueblo cuenta con e ta biba


Un pueblo completo cu a ser asota pa e crisis di Covid -19 y sigur un gobierno di pueblo a trata pa logra yega na loonsubsidie y fase pa por yuda mientras awe e causante principal ta sali punta dede sin ta contribui cu nada. Ami e unico cos cu mi kier Mike Eman duna cuenta ta cuanto placa a costa e cumbre aki y ta con el a paga pa esaki y sigur tambe ta di unda su persona ta hayando placa pa sobrebibi sin trabao, sin fase pero si bibando lekker den un superpenthouse henter dia den airco. Tur esaki mientras abo ciudadano ta pena con pa pone pan na mesa pa bo yiunan y tambe abo como pueblo ta preocupa pa futuro di bo famia. Meneer Mike Eman aki ta drumi lekker den airco den su superpenthouse y ta sinta wak via bentana oportunidad pa bin critica pero contribui nada cu solamente a crea e Mega Debe cu pueblo awe ta sinti e efecto di esaki.


14 views0 comments

©Bo Informado