Parlamentario Edgar Vrolijk: ta berguensa aplaudi y sostene Minister cu awe ta wordo investiga

Acusa pa bo gobierno


Watty Vos den felis memoria, a yega di bisa cu ta miho un hendepaga tinu kico e ta papia, pa asina e no mester guli e palabrananaki bek, Melvin Tromp di partido AVP ta mustra.


Segun sr Tromp, ta un hilaridad di marca mayor, pa un miembrodi Parlamento manera Edgar Vrolijk, trata di saca probecha di e investigacion contra Parlamentario Benny Sevinger, sin cu e t realisa e estupides cu e ta papia.


“Vrolijk kier usa e investigacion contra di Benny Sevinger pa haci politica barata cu esaki lubidando por complete, cu den supropio seno tin hendenan cu entre otro a yega di wordo hibageboei pa warda di polis bou acusacion di ladronicia, kende awe ta su colega den Parlamento.


No solamente esey, Edgar Vrolijk y henter su fraccion den Parlamento, a sinta scucha ex Minister Marisol Lopez Tromp, lansa denuncia di corupcion contra ex Minister Otmar Oduber den Parlamento y den mesun rosea informa parlamento y Edgar, cu tin mas Minister den e actual gabinete Wever Croes, kendenan tambe lo a forma parti di henter e maniobranan ilicitocu tereno.


Ta bon pa mustra Vrolijk con su persona tratando di sacaprobecha politico, ta ridiculisa su propio persona, ya cu OtmarOduber su credencialnan a wordo aproba pa entre otro e mesunVrolijk aki pa e bira Minister y awor ta wordo denuncia pa no Partido AVP pero pa un miembro di e gobierno cu e mes ta sostene.


No solamente cu Vrolijk a aproba credencialnan di ex Minister Otmar Oduber, kende tin un serie di acusacion serio den sucontra pa Ministerio Publico pero Vrolijk tabata un di e ‘cheerleaders’ den Parlamento, ora cu e ex Minister a haci un presentacion pa su gran plan pa salba Serlimar y converti esakiden un departamento cu ta para riba su propio pianan.


Edgar Vrolijk a sinta bati man, elogia e maneho di e ex Minister pero despues no tabatin y no tin ainda e curashi di yama sugobierno bin duna cuenta di acusacionnan serio haci di parti di ex Minister Marisol Lopez Tromp, di mas minister den gabineteWever Croes cu tambe a forma parti di tur e bagamunderianancu tereno y cu Serlimar.


Ora cu mi scucha Vrolijk papia di berguensa, ta lanta duda cercami y cerca hopi hende si Vrolijk aki a yega di wak su cara den spiel, trata di realisa ki tipo di persona e mes ta, ki tipo di representante di pueblo e ta, si e ta trahando pa pueblo of e ta trahando pa su stoel den Parlamento.


E lider di RED y colega di Vrolijk den Parlamento, tambe a hacideclaracionnan serio contra di e gobierno cu nan dos ta sostene, di cosnan incorecto cu ta tumando luga pero ningun dia, ningunmomento payaso Vrolijk a bin dilanti y pidi Presidente di Parlamento un reunion pa su gobierno tin aclaria e duda y sospecho grandi cu ta biba den pueblo riba e acusacionnan hacipa ex Minister Marisol Lopez Tromp.


Awe Vrolijk ta sinta manera un popchi den Parlamento, mirandoden direccion di AVP pa trata di haya un bida politico, lubidandocu el a aproba credencialnan di Otmar Oduber, despues cu supropio coleganan di Partido a hiba denuncia serio contra Otmarna Ministerio Publico.


Edgar a vota pa aproba credencialnan di e ex Minister, el a sostene maneho di e ex Minister aki, el a aproba ayudofinanciero adicional cu e minister aki a pidi pa yuda Serlimar paawe e bin papia di kico ta berguensa pa Aruba.


Den sala di parlamento Vrolijk ta sinta cu hendenan cu a wordoinvestiga pa corupcion, hendenan cu a wordo acusa di asuntonansumamente delicado pero el a tolera nan presencia totalmente, ya cu pa Vrolijk e no tin ningun crenchi di berguensa pa bin hunga e rol di mucha manda aki,” Melvin Tromp di AVP a declara.