Parlamentario drs. Shailiny Tromp-Lee (MEP):


Ni na DIMAS ni na DPL no tin nada registra pa proyectonan di corto duracion na of pa un hotel maneraRobert Candelaria (AVP) ta indica!


Den un rueda di prensa Robert Candelaria di AVP a trata un topico cu a yega na su conocemento caminda, segun e, tin un high rise hotel cu ta bay haci renobacion na su propiedad y cu e tin entendi cu Gobierno, pa ta specifico Minister di Labor y Minister di Husticia, ta para na e punto pa duna permiso nariba 100 trahador di afor, hendenan cu ta bin segun e di e.o.Mexico y cu nan ta pa bin pa haci trabounan di renobacion/construccion.

Na mes momento Candelaria ta papia di reglamento dipermiso. Ami kier sa ki permiso? E ta lubida cu no ta e Gobierno aki ta conoci pa regla cos. Ora mi a scucha e acusacionnan di Colega Candelaria, mesora mi a tumacontacto cu Ministernan Glenbert Croes y Minister Andin Bikker aunke cu mi sentimento tabata bisami cu no ta berdad. Ambos minister tabata den Comision Fiho di Labor na mas cu un ocacion y mi conoce nan maneho y pensamento. Toch mi a tuma contacto cu nan y mi mester informa pueblo cu ni naDIMAS ni na DPL no tin nada registra pa proyectonan di corto duracion na of pa un hotel.

Mirando e informacion detaya cu Candelaria a presenta ta bon pa e duna e informacion completo na pueblo. E la mencionacu ta trata di un high rise hotel, trabou di renobacion, cantidaddi trahador cu lo busca y tambe di cua pais. Lo ta bon pa e saliinforma pueblo na cua hotel e ta referi y asina nos por acercanan tambe pa puntranan si ta berdad, ki dia nan a entrega of ta bay entrega un peticion y pakico nan kier busca trahador di afor y no ta of kier uza nos mesun hendenan.

Ta bon pa mi informa pueblo cu dia 15 di januari 2021 mi ainvita Minister di Husticia y Minister di Labor den ComisionFiho di Labor pa trata e maneho di admicion cu Gobierno a introduci recientemente y nan a splica detayadamente dicon a yega na dicho maneho.

Un maneho cu tin como meta principal: proteha nos mercado laboral local. Ami sigur ta aplaudi e decisionnan tuma paGobierno. Puntonan manera:

• cu peticion pa 1e permiso no ta keda honra solamente si ta trata di funcionnan specialisa of cu ta cay den e lista di excepcion;

• tambe cu lo restringi e otorgamento di ‘gezinshereniging’;

• tambe lo restringi prolongacion di permisonan pa esnan cu tin 5 permiso of menos. Si haya prolongacion ta pasobracu screening di DPL ta indica cu no tin un local pa eherce e funcion

• cambio di firma pa esnan cu 5 permiso of menos no lo por mas, cu excepcion si haya ok di DPL.

E maneho anuncia pa gobierno ta necesario y responsabelmirando e situacion precario cu nos pais ta pasando aden y cuanto local a perde entrada of trabou.

0 views0 comments

©Bo Informado