Pa capricho di Prome Minister lo ta intencion pa introduci votacion electronico


Fraccion di AVP ta hopi preocupa cu e asunto di votamento pa proximo eleccion y lider di feraccion di AVP, sr Marlon Sneek, a mustra cu e asunto aki ta uno hopi peligroso.

Segun sr Sneek for di momento cu a bin cu e punto aki dilanti, AVP a mustra su preocupacion grandi caminda despues den un medio di comunicacion a keda publica cu a carta e titulo di “Electronische stemmen definitief van de baan’ perorecientemente AVP a bin compronde cu e asunto aki lo no ta ‘van de baan.’

“Nos a compronde cu ainda gobierno tin intencion di introducivotacion electronico y pa AVP ta incomprendibel kico ta e idea y e meta di gabinete Wever Croes tras di esaki.


Mas ainda ora cu nos mira un pais grandi manera Merca, caminda den un discusion cu te dia di awe ainda ta tumandoluga, e gobierno cu ta sinta awe, cu tin mas cu 70 y algo miyoncu ta considera e Presidente ilegitimo.


Awor pakico na Aruba den un comunidad chikito, camindaapenas un 50 mil hende ta vota, cu pa 12’or di anochi mas tardanos tin e informacion riba e resultado, pues ta un dia e hendenanencarga tin cu traha duro y traha overtime.


Pakico ta keda insisti pa bay de direccion di votamenteelectronico? Nos por a mira den mesun situacon di pandemiaactual, problemanan cu a surgi pa loke ta data, Setar, no ta tur ora por a cumpli cu loke tabata e data cu tabata mester, muchanan cu no por a sigui, den e caso di enseñansa maneramester ta, pasobra e coneccion no tabata optimal.


Nos ta bay hinca nos mes den un problema pa un capricho di e Prome Minister y e cos di mas serio di tur esaki ta, caminda nospor a mira preparacionnan ta tumando luga, viento en popa, sin cu tin envolvimento di e partnernan cu ta hunga den e wega aki.


Ta mescos cu ta cana para un veld di futbol anto ora tur hende ta riba vel, e ora ta bin bisa cu no ta bay tin penalty, no tin handsbal, ban hunga.


Ta cambiando reglanan di wega sin cu a tuma contacto cu ningun partido cu ta representa en todo caso den Supremo Electoral y sin otro partidonan cu tin e trayectoria di a yega di participa caba na eleccion.


Pues gobierno riba su mes lo ta tumando decisionnan sin cu a pidi participacion di otro partidonan cu tin di haber cu e cambionan aki cu gobierno lo kier introduci y pa AVP esaki ta di lamenta ya cu nos ta kere cu e gobierno aki cu ta pretende di ta un gobierno transparente, masha rata mester a yama un reunion y pidi pa ‘input’ di cada partido.


AVP sa di e situacion cu tin na Aruba cu nos sistema di coneccion di internet y gobierno actual, pa un eleccion cu ta tuma luga cada pasa cuater aña, pueblo tin oportunidad di yegapara den un urna, cu su potlood cora, scohe e partido y e candidato cu e kier escohe, pa tira esaki despues den buzon.


Awor di repente gobierno kier bay digitalisa e proceso aki y ta lanta e pregunta pakico? Pa ken bay gana placa? Kico ta e meta?

Ya cu ta dificil pa kere cu ta simplemente pa motibo cu tin un of dos cu mester traha overtime, tin hende cu kier cambia nossistema democratico.


Ta imposibel cu democracia ta wordo atacha di e forma akisimplemente pa e capricho di Prome Minister y pa no papia mesdi e posibel fraudenan cu por tin cu ta bay tuma luga den un proceso asina’ki.

Atrobe un pais manera Merca, caminda henter mundo por mira e situacion den cual nan ta pasando pa votonan electronico, caminda mas cu mita die pais no ta reconoce e Presidente eligi, anto den un pais manera Aruba, nos ta bay haya e tipo di cosnan y cu cosnan por sali for di man.


Lamentablemente pa un simpel capricho di un Prome Minister kende kier pretende cu den su bishita na Estonia, camindadurante di su bishita aki, el a descubri algo cu awor e kier introduci aki na Aruba caminda pa colmo ni den su propiooficina e por a introduci.

AVP ta cuesionta esaki severamente y nos a manda carta pa e Minister duna cuenta y rason na parlamento kico realmente tin di berdad tras di e hecho cu lo bay sigui cu votamentoelectronico y pakico no tin participacion di tur partner cu ta participa den e proceso electoral aki y sigur e partidonan cu tinrepresentacion den e Conseho Supremo Electoral, camindaningun dia tabatin un reunion pa informa tur hende di cambio- y ideanan cu tin na caminda,” lider di fraccion di AVP, sr Marlon Sneek a declara.

17 views0 comments

©Bo Informado