No Tin prueba!

JAN DE RUITER NI MICHAEL WILLIAMS A PRESENTA PRUEBA CONTRA YIU DI EVELYN WEVER CROES



Ya pa algun siman Jan de Ruiter y Michael Williams ta saca nan gal riba prome minister Evelyn Wever-Croes y su yiu homber. Nan a acusa e yiu homber di cantidad di cos. Yiu di prome minister a demanda nan den Corte pa nan rectifica. Pero ayera cu nan mester a presenta nan pruebanan dilanti hues, no a entrega NINGUN prueba contra yui di e prome minister. Ademas, nan a spanta di e defensa di abogado mr. Anthony Ruiz y nan a core pidi hues pa pospone e caso pa nan prepara mihor. Ta obvio cu nan a lansa acusacionnan hopi serio sin tin un prueba. Awor ta na hues pa dicta kiko ta e consequencia. Ta importante pa tur hende realisa cu libertad di expresion tin su limite. Parlamentario di MEP Rocco Tjon tambe a gana un caso e siman aki contra Patrick Paskel su ruman homber cu a yame pa pedofiel. Hues a castiga ruman di Patrick Paskel cu un castigo y strafblad pasobra bo no por acusa hende falsamente asina. E caso di e yiu di prome minister contra Jan de Ruiter y Michael Williams, ta sigi dialuna awor. Ban wak si de Ruiter y Williams ta bolbe cobardia.

146 views0 comments

©Bo Informado