“No ta IMF mester ta contento cu maneho di gobierno pero pueblo di Aruba”



Na momento cu scucha Prome Minister Evelyn Wever Croesdeclara cu e ta orguyoso cu IMF a elogia maneho economico cu su gobierno lo ta hibando, e ta confirma cu su persona no ta trahando pa biestar di pueblo, cu e no ta trahando pa hayasolucion pa e situacion financiero eratico cu tin den tur skina di Aruba den ultimo ters añanan.

Melvin Tromp di partido AVP a mustra den conferencia di prensa cu Evelyn ta bolbe confirma cu su gobierno ya no sa kistoria e conta pueblo, con e por papia bon di un maneho du sugobierno a hiba den forma desastroso desde cu nan a tumamando na 2017 te cu awor.


“C’un smile di satisfaccion, mustrando un orguyo cu segunEvelyn Wever Croes, IMF lo a bisa di e maneho economico cu su gobierno ta hibando, sin sikiera mustra un tiki convivenciac’un pueblo cu ta pasando den momentonan sumamente dificil.

Loke Prome Minister tin cu haci ta di trata di sconde e mal maneho di su gobierno desde 2017, tras di e pandemia cu nospais ta pasando aden, ya cu for di luna di November di 2017 tecu luna di maart di 2020 ora cu e corona virus a bati na porta di nos pais, pueblo di Aruba tabata wordo castiga sin misericordia pa un gobierno sin vision y sin solucion.


Ta mesun Evelyn aki su gobierno, lo a soluciona e situacionfinanciero di e pais sin tuma medida pero no solamente a hincaman den cartera di nos pueblo pa ranca miyones di tur hendepero su gobierno a practicamente ranca e cartera complete bay cune.


Ora cu e pandemia a bati na nos porta na luna di maart di 2020, ya caba nos pueblo a wordo confronta cu e pandemia cu tin e nomber di gabinete Wever Croes, caminda sin piedad a tumamedida tras di medida, daña tur loke cu tabata bon y converti e pais den un centro di crisis grandi caminda a laga pueblo sin espacion pa hala rosea.


Un gobernacion sin pia ni cabes, un falta di vision pa hayasolucion cu no ta afecta nos pueblo directamente y un serie di promesanan cu el a haci cu nunca a wordo cumpli.


Ta tristo scucha Prome Minister Evelyn Wever Croes bin dilantiy mustra su orguyo cu IMF lo a elogia e maneho economico di e pais mientras cu e pueblo di e pais aki, sa cosnan cu IMF no sa, cosnan cu Evelyn nunca a bisa IMF pero en realidad aki por mira e hipocrecia di e lider di MEP.


No ta IMFR mester ta contento cu e maneho economico cu Evelyn ta hibando, ya cu no ta e hendenan aki ta bibando den miseria akin a Aruba, miles sin trabou, miles sin un entrada adecuado pa mantene cabes riba awa pero ta nos pueblo ta esuncu mester elogia maneho di un gobierno.


Realmente pueblo nunca por ta contento cu loke gabinete WeverCroes a haci cu e pais aki, creando miseria riba tur tereno, creando incertidumbre tur caminda, creando conflict den tur area y sin duna pueblo algo sikiera pa tur hende por hala roseatrankil.


Ta mustra cu IMF ta aplaudi y sostene e decision di gabineteWever Croes y di gobierno di Hulanda, di introduci otro medidadi impuesto cu lo carga e nomber di BTW, caminda tur hende namomento di haci compras, lo tin cu paga 12.5% na caha ribaloke nan a cumpra.


Ta mas cu claro cu IMF ta contento ya cu no ta for di nan saco e placa aki ta Sali pero for di saco y cartera di henter pueblo y ribadje, pueblo ta mira con gabinete Wever Croes ya caba a dicidi di lo kita 60 miyon florin pa aña for di e sector di cuido medico, cual lo bay crea ainda mas problema pa nos hendenan.


Con Prome Minister Evelyn por ta contento cu e ta bay ranca 60 miyon for di algo cu pueblo tin derecho ariba, cu ta un bon cuidomedico y tur cos ta mustra cu ta pa e motibo aki IMF lo ta contento cu su maneho pero ta pueblo ta esun cu lo Saliperhudica, ta pueblo ta esun cu lo bay mira cu e nivel di cuidomedico cu pa hopi tempo e tabata sigur di dje, ya lo no ta ribamesun nivel halto aki mas.


Sinembargo pa Prome Minister eser ta normal, esey pueblo tin cu acepta ya cu IMF ta sostene e maneho aki di su gobierno peroora cu pueblo wordo perhudica pa e forma con su gobierno ta sigui ataca pueblo financieramente, IMF lo keda ley y lagaEvelyn Wever Croes c’unh pueblo sumametne decepciona cu sumaneho hiba,” Melvin Tromp di AVP a declara.

1 view0 comments

©Bo Informado