NA OCASION DI E INAUGURACION ROTONDE ALEX NIEUWMEYER:


UN SHON DI HENDE CU TAWATA STIMA SU ARUBA MASHA HOPI MES!



ORANJESTAD – E siman aki, durante un bunita ceremonia e rotonde entre Horacio Oduber Hospital y Alhambra Casino a wordo inaugura y dedica oficialmente na Alex Nieuwmeyer (den feliz memoria). Presente pa e occasion special aki tawata suseñora Barbara Nieuwmeyer, yiunan Jessica, Zoe, su nieto, miembronan di famia como tambe su famia di Divi Resorts y amistadnan. Tambe tawata presente, Minister di Turismo, Salubridad Publico y Deporte demisionario Dangui Oduber, CEO di A.T.A. Ronella Croes, y staff y team di Divi Resorts

Den su discurso, Ronella Croes a comparti cu Alex Nieuwmeyersigur a laga su pasonan visibel riba nos isla.

Despues cu Alex a studia hotel management na Hulanda, el a inicia su carera interesante na Merca unda el a traha pa variospropiedadnan di Sheraton den F & B pero tambe den management, entre otro na Boston, Los Angeles y tambe naMontreal - Canada. El a asumi e rol di Vice Presidente di F & Bpa e prestigioso Bally’s na Las Vegas, Nevada na Merca y djeysu ultimo funccion tawata na New York cu e cadena di Doral Hotels.

Di eynan Alex a yega Aruba y esey tawata 27 aña pasa y el a cuminsa guia e exitoso cadena di hotelnan di Divi.

Sra. Croes a sigui bisa cu, Alex tawata un hotelero y lider bon respeta. No solamente na Aruba pero tambe na Norte America, Europa y Latino America. El a kere fuertemente den Aruba suforsa y den nos potencial como un destinacion di turismo di nivel halto. Semper el a percura pa e promesa di e producto di Divi y su team wordo cumpli cual ta; entrega un servicio di balor y di calidad halto. E tawata conoci pa tin confiansacompleto den su ekipo di Divi y semper e tawata inspira sucoleganan pa nan sobresali den loke nan ta haci. Tambe e tawatapercura pa Arubianonan wordo promovi den puestonan halto y clave den liderazgo y posicionnan di management dentro di DiviResorts.

Mientrastanto e nomber di Divi a bira mas fuerte y e tawataevolucionando di un European Plan (EP) pa uno cu ta ofrece e producto All-Inclusive y Time share tambe. Tur esaki cu un reputacion solido entre e socionan, Tour Operadornan y Conseheronan di Biahe. E exito aki ta tributo na Alex y su team cu el a forma pa desaroya esaki hunto cu n’e.

Y manera semper, Alex tawata un mentor pa hopi di noslaborando den e industria di turismo. El a duna su apoyo den e esfuersonan pa mercadea Aruba na Norte America, Europa y Latino America. Bao su guia a logra exitosamente pa atraevuelonan directo cu VING for di Suecia y cu TUI for di Reinonan Uni pa Aruba.

Pa Aruba mes Alex tawata un colaborador grandi pa loke ta trataeventonan internacional di turismo, loke ta haci’e un persona berdaderamente inolvidabel. Alex y su ekipo realmente a sobresali den e eventonan di Divi y hopi biaha e tawata e promepa introduci un concepto of idea nobo pa Aruba.

Den su tempo liber e tawata gusta hunga golf loke a percuratambe cu pa medio di su pasion pa e deporte e tabata confia cu pa medio di golf Aruba por atrae bishitantenan afluente y asinael a host algun di e miho eventonan di golf pa Aruba. Ademas e tawata un gran promotor tras di eventonan manera Beach Tennis, Aruba Art Fair y el a organiza eventonan increibelmanera y prome evento culinario pop-up ‘Micheline’ den e area di Caribe na 2019, cual tawata un exito rotundo.

Na aña 2017 Alex a forma parti activamente di e Hunta di Supervision di Aruba Tourism Authority te cu dia 31 di maart2021. Alex a atende su ultimo reunion dia 25 di maart y e tawatahopi activo como miembro: semper tur hende por a conta ribadje, tumando su tempo pa revisa asuntonan di e Hunta di Supervision, dunando e miho di su mes cu semper tey pa yudatur hende!

Alex a laga un conexion profundo, profesional y personal atrascu tur esnan cu tawata conoce: semper e tawata cla pa guia y pa duna conseho. Manera e dicho ta bisa: “E tawata un shon di hende” cu tawata stima su Aruba masha hopi mes!

Cu e inauguracion di e rotonde Ronella Croes a comparti un bunita quote: “Circulo, manera nos alma, no tin fin. E ta bay rond y e ta sigui bay rond sin stop.” -Ralph Waldo Emerson ---

Alex su persona a toca hopi hende y e ta sigui biba den noscomunidad pa medio di su bondad, guia y amistad infinito cu el a comparti. Su alcance ta infinito manera e rotonde cual circulotampoco tin un fin.

15 views0 comments