Mentalidad corumpi ta haci mas cu necesario pa reenforsa nos sistema den cuadro di integridad


Durante un debate entre sr Rocco Tjon y sr Ryçond Santos Do Nacimento mi persona, pero sigur pueblo en general a mira e necesidad pa reenforsa mas ainda nos sistema den cuadro di integridad. Hamas mi por a biba di pensa cu un persona asinaprepara por a bisa lo siguiente pa hustifica e fechorianan di sucolega riba lista di AVP: “Poder tin e tendencia di por corumpi”. E mentalidad aki tin Aruba unda cu e ta, unda cu hasta un persona asina educa ta acepta di ta riba un lista c’unpersona cu t’un sospechoso paso si di enberdad bo ta papia di integridad como hende drechi hamas por a subi riba e listac’un persona cu muy pronto lo ser deteni pa husticia. Pa es motibo ta mas cu importante pa ora cu MEP ta bek den Gobierno pa mas liher pasa e ley di screening y sigur percurapa implementacion di e camber di integridad.

Kico tur MEP a haci pa integridad

Den parlamento mi persona hunto cu sr Rocco Tjon a percurapa pasa e ley di financiamento di partidonan politico cu desde1999 tabata den lachi. Na 2018 nos a cuminsa e proceso c’unley cu no ta apto mas pa e tempo actual y unda hunto cu DWJZ a traha un ley cu a bai dos biaha pa Raad van Advies y unda dos biaha a haya dictum 3 y asina na oktober 2020 esakia bira un realidad. Banda di esaki di parti di gobierno a percura pa bin c’un oficina di integridad, codigo di corporate good governance, comision di fortifica nos sistemademocratico, ombudsman, modernisa ley di destaho publico, Wever-Croes-norm y national integrity scan. Pues den casi 4 aña ta hopi a ser haci pa combati corupcion. Tin un politico cu kier sinta ta papia so pero ora di actua ta dobla, pero p’eseynos si a percura pa mehora e sistema pa por combaticorupcion.

Kico falta?

Na momento cu sinta un Parlamento nobo esaki tin e tarea pa pasa e ley di screening di Minister cu a ser vota contra door di oposicion pues AVP y parlamentario independiente sraDaphne Lejuez apoya pa partido RED. E ley aki ta di vital importancia den cuadro di transparencia unda un candidato pa parlamento y su famia ta haya un screening basta pisa y sigure parti di mas importante ta cu como candidato pa minister bomester declara tur cos cu bo tin y si bin cambio den esakimester notifica esaki. E ora pueblo por tin siguransa cu e omkoperij nan aki ta pa pasado unda cu tin persona cu a biraMinister pa 8 aña y na final tin cas di luho sin tin hipoteca y yate y cantidad di autonan balora riba 100.000 florin, mientrasesaki hamas por ser hustifica cu e salario di minister y awe hopi kier bin papia di integridad. Banda di e ley aki mesterpercura pa bin cu camber di integridad pa por contrala tur destaho publico cu ta ser haci pa por garantisa transparencia.

Y sigur e parti di mas importante pa combati corupcion ta den man di pueblo. Y sigur e ta den man di pueblo si e ta bai eherce su voto p’un partido manera AVP yena cu casonanbergonsoso di corupcion y sigur awo un lista cu candidatonancu ta sospechoso di corupcion y candidatonan cu ta hustificaesaki tambe. Pues e prome cos pa combati corupcion ta pa AVP no bin nunca mas na mando y esey ta den man di pueblo cu lo bai urna 25 di juni pa escoge su representantenan.

1 view0 comments