MARCO BERLIS TA SUBI RIBA E LISTA PRESTIGIOSO DI PARTIDO MEP


Bon bini Marco


Faltando 74 dia pa eleccion 2021, MEP ta cla pa presenta bo e ekipo dinamico cu lo traha cu un solo meta: ARUBA. Dialunamainta, Partido MEP a lansa e prome candidato nobo riba listadi MEP pa eleccion 2021. Lider di MEP y Prome Minister di nos pais, señora Evelyn Wever-Croes a duna su discurso na e lansamento di señor Marco Berlis y a introduci señor Berliscomo e prome candidato nobo riba lista di MEP pa e eleccionpa dia 25 di juni venidero.

Na November 2020, Partido MEP a anuncia inicio di Campaña electoral 2021 teniendo tambe e costumber comoPartido grandi, pa cuminsa campaña un aña prome cu eleccion. Mirando e situacion di Covid, inicio di campaña y henter campaña ta bay diferente. Pa motibonan ya conoci, dia30 di maart Gobierno a entrega retiro y asina eleccion 2021 mester a bin algun luna mas tempran, esta juni 25.

MEP tin un lista fuerte caba, un ekipo fuerte di candidatonanfuerte. No tin necesidad awor pa hopi cambio. MEP tin candidatonan cu a sa di profila nan mes, y den tur humildad a demostra cu di por goberna e pais aki den temponan dificil, y den temponan extremadamente dificil manera e pandemiamundial”, Lider di MEP a enfatisa.

Prome cu e pandemia, MEP a encontra crisisnan grandi debina e maneho anterior, sinembargo a traha na e bienestar di nospais y a logra cambionan grandi di progreso. Tur esaki a wordo haci pa mayoria parti pa candidatonan di MEP. Puesnos tin un lista fuerte. Y awe, Partido MEP ta lansa señorMarco Berlis como candidato nobo riba lista di MEP pa e eleccion benidero. Lider di MEP a pidi un biaha mas, sostendi nos pueblo pa sigui traha den e proximo gobernacion.

“Y awor nos ta bo dilanti pa pidi bo den tur humildad boconfiansa, pa nos por saca Aruba for di e pandemia, y pa nospara riba nos pianan bek. Nos sa con ta haci’e. Nos tin e plan y e ekipo cu a demostra esaki caba. Pero nos no por haci’e nosso. Nos mester haci’e hunto. Nos mester di bo. Mester di henter comunidad. Cu bo nos por haci’e. Cu bo sosten tin progreso y bienestar pa nos pais. Cu bo nos ta saca Aruba di e crisis, cu bo nos ta para fuerte atrobe. Cu bo, nos ta avansa”, Lider di MEP a expresa den su discurso.

Lider di MEP a anuncia cu riba lista nobo di MEP, tin 7 candidato cu lo no aparece mas bou nan mesun decision: Daphne Lejuez, Luigi Bergen, Sharlene Starke, Karel Maduro, Jerehm Cambell, Karel Jeandor y Carlos Jacobs. Den e siguiente dianan nos dilanti, Partido MEP lo lansa e demas candidatonan nobo.

Señor Marco Berlis a wordo introduci door di Lider di MEP, señora Evelyn Wever-Croes despues di un video na undaseñor Berlis a conta di su bida, trabou y intencion politico. Pabien Marco. Bon Bini riba lista di nos prestigioso Partido MEP.

13 views0 comments