Maneho financiero di Boneiro ta preocupa Cft


Colegio Ehecutivo ta confronta reto grandi riba tereno di maneho financiero y mester tuma medida pa formalisa maneho di tereno. Colegio di supervision financiero di Boneiro, Sint Eustatius ySaba (Cft) a indica esaki den su combersacionnan cu Colegio Ehecutivo. Ademas Cft ta conseha Boneiro pa traha un plan di gasto pa e reservanan acumula di e ultimo añanan.

Tin informacion positivo tocante e recuperacion speraden e di dos semester di aña na Boneiro. E cantidad diinfeccion di coronavirus ta bou di control, parcialmente a consecuencia di un grado relativamente halto divacunacion. Recuperacion di turismo lo conduci naingreso fiscal mas halto pa Boneiro. Den e prome kwartaal di 2021 e entradanan relaciona cu turismotabata USD 0,5 miyon menos cu loke a presupuesta. E expectativa ta cu e entradanan aki, incluyendo ingreso fiscal, lo aumenta den e di dos semester di 2021.

Boneiro no ta progresa suficientemente riba tereno di maneho financiero. Accountant a emiti un abstencion di opinion pa e cuenta anual di 2020. Actualmente ta ehecutando un actualisacion di e plan di mehoramento di maneho financiero. Debi na retraso den mehoramento di maneho financiero, ya un declaracion aprobatorio di accountant pa 2021 no ta parce factibelmas. Ta di gran importancia pa Boneiro tuma e medidanan necesario den su maneho financiero y trahapa logra un declaracion aprobatorio di accountant pa 2022. Cu yenamento di dos funcion importante -Hefe diFinansa y Secretario Insular- Cft ta spera cu Boneiro lo tuma e stapnan necesario.

Ora cu a aproba e presupuesto, Ministro di Asunto Interno y Relacion den Reino (BZK) a pone, entre otro, como condicion, cu Entidad Publico Boneiro lo stipula rapidamente su maneho di tereno. Sinembargo, e nota preliminar (kadernota) pa maneho di tereno tin bastatempo caba na Conseho Insular. Entretanto e fechanan limite respectivo di 31 di december 2020 y 30 di april 2021 pa aprobacion di e maneho ey a pasa caba.

Cft a haci un bishita na Boneiro dia 29 di juni 2021 y a hiba combersacion cu Colegio Ehecutivo, Conseho Insular, e Representante di Reino suplente y e Directordi Programa di e Acuerdo di Gobernacion.

6 views0 comments