“Liften”



Recientemente DTI a tuma nota cu tin diferente “liftnan”rond di Aruba cu ta pega cu hende of tin incidentenan cu esaki.


Pa es motibo aki Dienst Technische Inspecties (DTI) ta informa e pueblo di Aruba un bez mas cu desde 1 oktober 2019 DTI a cuminsa cu e uitvoering/aplicacion di e Ministriële regeling di 2 december 2015 “ Regeling Keuring liften”.

Segun art 7 di “Regeling Keuring Liften” un compania por wordo reconoci abase di peticion di Hoofd van Dienst na Minister pa reconoce es compania como un compania cu ta autorisa pa keur lift.


Den e cuadro di esaki Liftinstituut Solutions Caribbean N.V. ta e compania cu a haci e peticion y a haya e autorisacion pa por keur lift bou di supervision di DTI.

Liftinstituut Solutions Caribbean N.V. conhunto cu DTI a cuminsa desde 1 oktober 2019 cu e keurmento di liftnan rond di Aruba cu a of ta wordo instala door di un compania cu ta renoci pa DTI pa instala lift. E companianan cu ta oficialmente reconoci pa instala lift na Aruba ta Bopel Technical Services N.V. y Carel Elevators Aruba. A base di art. 3 Regeling Keuring Liften e liftnan mester wordo instala y gekeurd door di un compania cu ta reconoci.


DTI conhunto cu Liftinstituut a acerca den e periodo desde 01 oktober 2019 diferente hotelnan, companianan y negoshinan pa nan cuminsa e proceso pa keur nan liftnan. Por bisa cu varios a reacciona y a cuminsa e proceso di keuring y tin cu haya un periodo pa haci adaptacionnan y na final di e keuringsproces nan a ricibi nan certificado.

E aña aki DTI a cuminsa pone su sticker den e liftnan pa asina usuarionan di e lift por wak cu e lift ta gekeurd door di DTI.


E pandemia desde 2020 a trece cune cu varios keuring no por a tuma lugar pa un periodo largo pero na final di 2020 a sigi esaki y den 2021 te cu awo tin keurmento cu ta tumando lugar semanalmente.


Ta responsabilidad di cada doño cu tin un lift den servicio pa acerca e instancianan concerni pa cuminsa cu e proceso di keuring di nan liftnan.

Por tuma contacto cu Liftinstituut Solutions Caribbean N.V. cu

sr. Gerald Bremer na Tel :5681640.


Y por contact DTI pa mas información na Telnr :5937931(Francis Curiel) y Tel nr: 5937934 (Haime Vingal).


DTI ta enfatisa pa garantisa e seguridad di e lift pa tin esaki gekeurd door di DTI y tambe ta recomenda pa tin un bon sistema di mantención di e liftnan regularmente.




7 views0 comments