Lider di fraccion Marlon Sneek:

Na 2014 Evelyn Wever Croes

A pidi Hulanda pa kita autonomia financiero di Aruba



Ta di lamenta e hecho cu gobierno den momento cu e pais ta pasando den situacionnan sumamente delicado y dificil, ta sigui troce e berdad dor di no bisa pueblo e berdad.

Lider di fraccion di AVP, sr Marlon Sneek a señala esaki den conferencia di prensa di fraccion di AVP mustrando riba diferente desaroyonan caminda Prome Minister Evelyn Wever Croes, no ta sincero ni cu pueblo y ni cu Parlamento.

"Nos ta lamenta e falta di sinceridad aki di gobierno, en particular di Prome Minister ya cu entre otro nos por mustra cu dia 28 di november di 2018, un protocol a wordo firma via di skype entre gobierno di Aruba y gobierno di Reino.

Esey ta e realidad cu ta riba mesa y cu nos ta bibando awe ya cu den e protocil aki, Prome Minister di Aruba Evelyn Wever Croes, a priminti Hulanda cu e ley di LAFT lo bay wordo pasa, simplemente lo bay cambia loke tin cu bira e normanan nobo di e gobierno aki y cu lo no bay tin problema cu esaki.

Awe nos ta na aña 2020 y e ley aki no a pasa manera cu a wordo acorda den e protocol, caminda e ley aki fraccion di MEP a haya ta bon di bay hunga 'tough guy' dor di bisa cu nan lo no bay worry cu e acuerdo gobierno di Aruba a cera cu Hulanda.

Nan a insisti cu nan tin nan propio punto di bista y pa nan e ley presenta pa gobierno di Aruba, no ta sirbi y cu nan lo bay cambia esaki.

Consecuentemente por corda cu na luna di december aña pasa, Prome Minister tabata na Hulanda caminda tabatin un KB riba mesa, pa colmo riba mesun punto di CFT aki.

Secretario di estado mr Knops a declara despues di e reunion ey cu nan a yega na un acuerdo caminda ta bay pasa e presupuesto y ta haci e cambionan manera acorda.

Awe nos ta na Juli di 2020 y nada a pasa caminda Prome Minister no a cumpli cu palabracionnan haci na december cu Hulanda pa evita un KB.

Pa tal motibo awe Hulanda no tin e confiansa mas ya cu na 2018 Prome Minister a firma un protocol y dos aña despues ainda e no por convence su parlamentarionan pa vota pa e Landsverordening Financieel Toezicht.

Pues awo Hulanda a dicidi cu nan mes lo bay haci loke Prome Minister Wever Croes a priminti di haci pero no a haci y cu esaki lo tuma luga pa medio di un Rijkswet.

Esey ta e berdad cu Evelyn tin cu bisa comunidad y no purba di bruha tera y mester corda e crta cu Prome Minister mes a manda Hulanda bisando, cu na 2015 y 2016 gobierno di Aruba, a cumpli cu e normanan stipula den e Landsverordening Financieel Toezicht.

Dor cu na 2017 tabatin eleccion, cosnan a cambia y a bin cu normanan nobo acorda entre e actual gobierno y Hulanda caminda a base di e normanan nobo ey, lo sigui dilanti.

Awe ta bin resulta cu Prome Minister no a cumpli como gobierno y awe cu bo yamda pa laga nos uni pa hunto bay atende cu e situacion cu bo gobierno a hinca e pais aden.

Ta bon pa mustra aki cu nos tabatin un Prome Minister kende a bay den welga di hamber pasobra cu Hulanda kier a mishi cu autonomia di e pais aki.

E tempo ey e actual Prome Minister Evelyn a bisa Mike Eman pa e bisti su bachi y bay Hulanda bay atende cu e asunto aki pero awe nos ta haya e medidanan, e tumamento di nos autonomia via post, ya cu Hulanda a manda documento pa VNO cu na su turno a print esakinan y a bayu duna Prome Minister den su man. Documentonan cu ta bisa Prome Ministrer cu esaki ta bay pasa cu Aruba pa motibo cu tin unh gobierno cu no por confia den dje.

Esaki ta e prome Minister cu a manda carta dia 17 di augustud di 2014, haciendo apelacion riba delegacionnan parlamentario di Corsou y Sint Maarten, pa nan no participa den un cumbre cu a wordo pidi pa fraccion di AVP.

Awe Prome Minister a bisa den un mail, manera ladron den anochi pa cada un di e miembronan di e delegacionan di Corsouo y Sint Maarten, bisando pa nan no participa na e cumbre aki pasobra cu esaki ta un locura di AVP y cu e no tin nada di haber cu autonomia.

Tur hende por corda cu Raad van State a saca su advies y a bisa bon cla cu e decision cu Rijks Ministerraad a tuma e tempo ey, no tabata un decision legitimo y tabata contra di tur principio y tur regla.

E cumbre a tuma luga tempo ey pasobra MEP no a logra di convence e parlamentarionan di Corsou y Sint Maarten, ya cu nan a mira y nan tabata sa con Hulanda ta opera.

Awor seis aña despues Evelyn Wever Croes ta haya mesun sla y pesey nos a bise na 2014 bpa ban para hunto y na 2014 Parlamento di Corsou unanimamente a sostene e mocionnan cu a sali for di e cumbre aki.

Mocionnan pa bisa Hulanda cu e mester respeta nso autonomia y Sint Maarten tambe unanimamente a sostene e mocionnan cu a manda mensahenan cla y raspa pa Hulanda pa no mishi cu nos autonomia, anto na Aruba mes e fraccion di MEP e tempo ey a vota contra di e mocionnan aki.

Anto awe mira unda bo ta sinta, awe Evelyn kier yama pa unidad, awe bo kier pa hende bin para banda di bo pero na 2014 ora cu nos a bisa cu e cos aki no tin nada di haci cu AVP pero totalmente cu Aruba, Evelyn a scoge pa bay hunga y haci politikeria.

Buscando un forma con pa score politicamente, sin pensa cu mayan bo mes tin cu bay cria e baby ey cu a nace na 2014.caminda den e carta cu bo a manda pa e delegacionnan, bo a bisa cu loke Hulanda ta haciendo, tabata bon buscando forma pa saca probecho politico y ta algo cu semper nos a lamenta y cuestiona e mentalidad politico aki," Parlamentario Marlon Sneek a declara.



9 views0 comments

©Bo Informado