Laboratorio Familiar NV a haya un audit pa wordo certifica un biaha mas cu e ISO-15189


IL Laboratorio Familiar NV a haya un audit pa wordo certifica un biaha mas cu e ISO-15189 cu ta consecutivamente desde 2008.

Recientemente un team di specialista di ISO (International Organization for Standarization) a evalua detayadamente e maneho di tur e testnan cu ta procesa den Laboratorio Familiar usando e standard international di ISO-15189.

Rosa E. Villanueva, Ph.D. ta e Chief Executive Officer na Southwest Clinical Consulting Company desde 1989 a conduci e investigación, asesora pa Susan Orton cu ta certifica pa e American Board of Medical Laboratory Immunology (ABMLI), como ademas e ta un ASCP certified Medical Technologist (MT, ASCP). Nan a cuminsa cu e evaluacion di Laboratorio Familiar diadomingo dia 29 di november 2020 y a caba diabierna dia 4 di december 2020. E tabata un “audit” basta intensivo pero IL Laboratorio Familiar NV a logra haya e certificacion.

ISO ta un organisacion international pa Standarizacion independiente cu ta defeni e standard-nan cu tur laboratorio competente mester cumpli cune.

Den Mercado global mester tin standardnan poni pa sigui, pa mantene consistencia y calidad den industrianan y nacionnan.

E standarizacion Internacional aki ta yuda bo compania keda riba un nivel halto.

E “ISO certification” ta certifica cu un sistema di maneho, servicio, of documentacion di procedura tin e rekerimento di un standard y cu tin siguranza di calidad.

Basa riba e revision di e sistema di calidad y e aspecto tecnico di e laboratorio a conclui cu e Laboratorio Familiar na Aruba tin un structura fuerte y liderazgo cu ta enfoca riba servicio di calidad. Un area impresivo cual masha poco laboratorio ta logra den calibración di nan equipo axilar, un tarea cu mester ta hopi bon documenta y ehecuta door di hendenan experiencia y cualifica.

E expertonan a conclui cu Laboratorio Familiar tin personal tecnico y di maneho hopi clave y bon prepara, cu experencia di calidad y cualifica. ISO 15189:2012 ta rekeri pa monitor intensivamente y regularmente e team di calidad door di e Laboratorio Familiar cu ta sigura pa mantene e nivel halto di standard y di calidad di testmento.

En general Laboratorio Familiar ta bon organisa y ta traha pa excelencia. Nan ta realmente aplica e conceptonan di e standardnan di acreditacion ISO.

Palabra di pabien ta bai pa henter e staf y personal di Laboratorio Familiar y specialmente Irene van der Linde, e motor tras di e laboratorio aki cu a sa di gana su bon reputacion den e pueblo di Aruba