KvK a tene un ‘Startup day’ pa registra negoshi


Oranjestad – Diasabra ultimo, 30 di januari, Camara di Comercio y Industria (KvK) a organisa un ‘Startup day’ undacu a ofrece e oportunidad pa personanan interesa registra nan negoshi. E intencion di e ‘Startup day’ tabata pa facilita efuturo empresario cu e procedura di registracion di su negoshiriba un dia mas flexibel unda KvK a dedica completamente nae parti di registracion. Ademas di baha e cantidad di citananreserva via e sistema di cita online, e dia aki a sirbi tambe paduna un chens na personanan cu kisas ta ocupa durante dianan di siman.

Pa e dia aki tambe KvK a haci uso di cita reserva di adelanta y a controla e documentonan rekeri hunto cu pre-aprobaciondi e nomber di negoshi pa un proceso mas lihe y eficiente. E diasabra mainta a ser hopi bon bishita y diferente persona a haci uso di e oportunidad brinda unda a logra registra varios negoshi den apenas mita dia. Cu e ‘startup day’ personanana probecha tambe pa ricibi ayudo y completa e proceso bou guia di e team di KvK. Esnan cu a presenta pa registra nannegoshi a wordo asisti tambe pa crea nan cuenta digital ‘MyChamber’, ya cu tur registracion di negoshi(eenmanszaak/VOF, entre otro) ta wordo procesa a traves di e plataforma digital ‘My Chamber’.

KvK sigur lo ripiti e ‘Startup day’ den un futuro cercano y lo sigi organisa mas evento cu e meta pa informa y stimulaempresario y tur persona interesa pa habri su negoshi y asinahaya mas conocemento cu ta importante pa un bon maneho.

Sigui KvK via Facebook of www.arubachamber.com pa haya mas informacion tocante otro eventonan di KvK. Tambe por tuma contacto cu Business Information & Support na 582-1566 ext. 27/30/42 of manda un e-mail pa: businessinfo@arubachamber.com

Aruba, 2 di februari 2021

Camara di Comercio y Industria (KvK)

3 views0 comments