Konferensia di Pueblonan Karibense I Amerika Latino


Mientras ku ta konmemorando 1 July 1863 abolishon di sklabitud o dia di emansipashon den kolonianan Hulandes, I kasi henter Karibe I mundu ta den un era post-kolonial, nos isla Bonaire I e otro islanan di Karibe Hulandes te ku awe a permanese kolonianan Hulandes. Komo ku e Hulandesnan tabata un di e ultimonan na 1863 pa aboli sklabitud kasi un siglo despues ku otro islanan Karibense, e gobierno Hulandes a malinforma I manipula e komunidat internashonal ku nan a finalisa e proseso di dekolonisashon I a stop di raporta na Nashonan Uni na 1954 I a kontinua ku kolonisashon di e islanan Karibe Hulandes te ku awe. Awe 1 juli 2020 nos ta hasi un yamada dramatiko riba e gobierno Hulandes pa aboli kolonialismo riba e islanan di Karibe Hulandes.


Fundashon Nos Kier Boneiru Bek riba su mishon kontinuo di konsientisa riba e situashon-no-demokratiko riba nos isla Bonaire a partisipa resientemente den e prome Konferensia Online di Pueblonan Karibense I Latino Amerika. E Movimiento Karibense pa Paz, e Movimiento Karibense pa Paz I Integrashon, E Sindikato di Trahadornan Kristian di Belize, Konseho di Paz di Jamaica I e Kongreso Global Afrikan a organisa e prome konferensia online di pueblonan di Karibe I Amerika Latino ku sosten di diferente organisashon grassroot I siviko sosial di e region kompleto.


E konferensia ku tabata plania originalmente simultaneamente ku e konferensia annual di Hefenan di Estado di CARICOM, debi na e situashon ku no por a biaha, lockdown, den Karibe I na mundu, e konferensia e anja aki a wordu organisa online riba e eksperiensanan I lesnan di COVID-19 ku e mira , meta pa logra un red di pueblonan di den region sosteniendo Integrashon, Koperashon Pasifiko I Resiliensa kontra menasanan ambiental I di salud.


Representantenan di organisashonan grassroots I sosiedat sivil, ambasadornan, periodistanan, abogadonan, lidernan sindikal, ekonomista, sientifkonan, profesornan, sientifikonan mediko, profeshonalnan, aktivista di derechonan humano, dekano I direktornan di universidatnan, psykiatra, for di Cuba, Nicaragua, Venezuela, Jamaica, St Vincent & the Grenadines, Merka, Martinique, Haiti, Brazil, Barbados I Bonaire a partisipa den e konferensia historiko aki.


Resumen di e deklarashon pa sigui avansa e mishon den e legado di nos antepasadonan:


E pueblonan di Latino Amerika I Karibe tin un historia komun. A pesar di nos diferensianan di idioma, ku ta legado di kolonialismo ku e tendensia di dividi I tene nos separa, nos historia ta uni nos riba e mesun meta komun pa sobrepasa e rastronan di dominio dor di e paisnan metropolis . E rastronan aki di kolonialismo ta inklui e sakeamentu di nos rekursonan natutral, e sub-desaroyo di nos ekonomianan, I e destorshon deliberadamente di “nos historia”pa mantene nos na nos posishon.


Awor ku ta yegando e momento pa reklama nos luga, posishon legitimo bao di humanidat nos mester kana den pasonan di nos lidernan Karibenjo I Latino Amerikano manera Simon Bolivar, Toussiant Lóverture I tur otro lidernan ku despues a surgi. Unifikashon di nos pueblonan ta e paso mas kritiko pa logra integrashon y koperashon I ta e komponentenan indespensabel pa nos lucha pa anvansa i rekupera desaroyo real pa e peublonan di nos Amerika.


James Finies di Bonaire komo panelista a splika e situashon no-demokratiko di Bonaire desde e aneksashon illegal dor di Hulanda na 10-10-10 I di e islanan BES, I ku Hulanda ta usando e korona-krisis awor aki pa ekstorshona I forsa Korsou, Aruba I St Maarten pa entrega nan outonomia limita bek na e gobierno Hulandes, I ku durante e krisis di COVID-19 a bira mas kla kiko nifika di ta wordu kolonisa pasobra tur desishonan importante ta wordu tuma na Den Haag, Hulanda. E konferensia a disidi I a kompremete ku for di awor en adelante atenshon spesial lo wordu pone pa monitoria I sostene e luchanan pa dekolonisashon di tur paisnan, terirorionan di den region I otro partinan di mundu.


8 views0 comments

©Bo Informado