KNOPS DI: TA E GOBIERNO DI AVP A REDOBLA DEBE DI ARUBA

“Afgelopen 8 jaar” ta referi na Mike Eman y su Gabinete



BoInformado a tuma nota di varios comentario cu Aruba su debe gigantesto a wordo crea durante e ultimo 34 añanan pa tur gobierno cu a sinta. E realidad ta cu gobiernonan di nos pais no ta tur a goberna na un manera responsabel y no ta tur ta participe pa hinca e pais aki den e debe grandi. AVP a manda nos debe nacional te 93% di nos GDP. Y na 2014, e gobierno di AVP a haya un KB. Si nos compara cu nos florin, 93 cent di cada florin ta bay na paga debe. 7 cent tawata bay na maneho. Esaki a wordo cuasa door di Mike Eman y AVP durante gobernacion 2010 pa 2017. For di 2.1 biyon na 2009, AVP REDOBLA nos debe pa 5.6 biyon na final di su gobernacion.


Y ainda falta e proyectonan di PPP (Hospital, Green Corridor, Watty Vos Blvd, 4 MFA) acerca, cu esakinan por bisa cu Gabinete Eman a triplifica nos debe nacional.


No ta straño cu un crisis manera Covid 19, a pone Aruba riba rudia sin forsa y recurso propio pa wanta e sla aki. Partido AVP a laga nos pais den debe enorme y plat di tal forma cu no por sigui draai sin pidi ayudo financiero di Hulanda.


E Gobierno actual sinembargo, prome cu Covid-19, dos siman prome, a entrega un presupuesto cu un surplus di 40 miyon florin. Ta bon pa remarca tambe cu e unico añanan cu Aruba a conoce surplus tawata durante gobernacion di MEP. 2003, 2008, 2019 y na 2020, bou maneho financiero responsabel di Gabinete Wever-Croes, e presupuesto a wordo entrega na maart cu un surplus. Esaki ta un muestra cu Gabinete Wever-Croes tawata bayendo riba e bon direccion pa sana e situacion financiero di pais Aruba. Esaki ta exclui tambe, cu ora cu Knops a bisa "afgelopen 8 jaar” e debe nacional di pais Aruba a wordo redobla, e tawata papia di Gabinete di Mike Eman y no na e Gabinete di Evelyn Wever-Croes.

466 views0 comments

Recent Posts

See All