Jeon ta lansa su single di mas nobo “Nunca mas”


Artista Jonathan Bryan Thiel mihor conoci como Jeon ta lansa su single y videoclip “Nunca mas” bou di Record Label Arvani Music 20.08.20


E cancion aki ta un di su single di mas nobo cu tambe ta forma parti di su produccion grandi “ Biggy Boy Forever Album” cu ta den gran espera.

E fuente di Jeon su inspiracion pa realisa “Nunca Mas" a inincia pa complace tur e fanaticonan di cancionan romantico y cu ta conecta cu e estilo Biggy Boy pa cual cu for di prinsipio di su carera hopi a conoc’e. “Nunca mas” ta trese musicalmente un sentimento di Nostalgia y alabes ta conta un storia di un Persona cu Nunca mas a wak e Persona cu e tabata stima. Apesar di nan separacion.. Y e duele cu e mester a biba cun’e, e Persona aki di curason semper a keda deseye e miho.



“Nunca Mas” a inicia 9 luna pasa den Jeon su studio cu poco a poco e piesa aki a cuminsa haya su forma te cu na luna di Juni cu su ultimo tokenan e la ser completa.

Siguientemente hunto cu un team dinamico a realisa e Produccion di “Nunca Mas” su videoclip pa cual a ricibi un apoyo enorme y tabata un experiencia seguramente special pa tur cu a forma parti di dje.


Jeon ta sumamente agradecido na tur su fansnan cu ta inspir’e pa continua. Y ta inmensamente agradecido pa tur e apoyo cu e la ricibi pa asina realisa un otro tremendo produccion. Pa tur esnan cu a cumpra nan ticket di Biggy Boy Forever Concert. Corda warda e ticket bon, asina cu ricibi greenlight di Gobierno cu eventonan lo bai door. Un fecha nobo lo wordo anuncia.


19 views0 comments

©Bo Informado