J'ACCUSE! (parti 1) - CTC TA COMPLICE DEN E CORUPCION DI OTMAR DEN COMPRA DI E INCINERATOR CHIKITO!


Recientemente como ciudadano mi a entrega un "rappelbrief" den e caso di e compra di e incinerator chikito, yena cu "gesjoemel" djis pa previlegia Caribbean Trucking Company (CTC). CTC e compania complice den e compra corupto di e incinerator chikito, a haci un intento pa desvia atencion y hustifica su involucramento den e compra. Tin biaha di berdad bo mester keda keto pa hende no haya sa con culpabel bo ta! Ta parce cu e contracto miyonario aki tin representante di CTC completamente entoxica cu eta kere cu di berdad cu e ta inocente.

Mi kier a djis bisa e director bay lesa e carta di 10 di februari 2019 di su amo Otmar Oduber dirigi na e otro complice den e compra corupto di e incenirator chikito. Y bay lesa kico ta para den e den e Financieel inzicht Rapport di Grand Thornton 2019 pagina 32 (cu ta publica online). Bo mes por bay lese. Por saca afor cu SERLIMAR lo bay OPERA e incenirator chikito, cu segun abo y bo "handlanger" Marlon Croes ta bisa cu NO tin niun otro hende of compania cu lo por haci e trabou! Mi ta invita bo tambe, "mr. YO NO FUI", bay lesa un anuncio di bo amigo y bo otro "handlanger" Otmar di dia 20 di september 2019 na unda eta notifica cu ta DOW lo bay opera e incinerator chikito cu bo compania "certifica" no por a pone den funcion! Ainda bo kier bin bisa cu CTC ta e unico compania cu por opera e "miskoop" aki?? CTC y bo "handlangers" cada uno por bai fliet!

Un otro aspecto cu CTC kier purba di contradeci ta mi ponencia cu e "miskoop" aki no por cumpli cu loke ta para den e bestek. Ta parce cu aki ni lesa bo a lesa e bestek. Eyden ta poni hopi cla cu e instalacion mester por tin e capacidad di kima e sludge, cadavernan y desperdicio medico entre 7.30 mainta pa 15.30. Pues 8 ora pa dia. Den BO PROPIO oferta ta poni cu e "miskoop" cu e amo di CTC a cumpra for di CTC, tin un capacidad di 1 ton pa ora. Pues den 8 ora e porkeria di CTC por produci MAXIMAL 8 ton. Den e informacion duna pa e "destaho bow man" aki, ta poni cu e RWZI-nan ta produci entre 10 pa 15 ton pa dia! Cu otro palabra e porkeria di CTC NO tin e capacidad rekeri pero toch boso AMO Otmar y boso "handlanger" Marlon kier pretende otro! Otro "cheap-shot " cu mi lo no guli!

J'ACCUSE cu CTC ta complice den henter e asunto corupto aki. E ta esun cu a wordo previlegia y awor kier bin hunga MAS SANTO CU PAPA DI ROMA! Mi ta kere cumi no por ta mas cla den mi acusacionnan y si CTC ta di opinion cu mi a atacha su nomber "be my guest" y bay corte pa limpia e "bon" nomber di e "prestigioso" y compania (sic!) “certifica”, CTC. “!

No ta mi intencion di difama un compania, pero simplemente nos no por acepta cu tipo di actonan fraudulento y coruptivo ta pasa, y ta keda scondi. Algo sigur cu e gobierno nobo cu ta bay sinta, y cu parce INTEGRIDAD lo bay ta hopi halto den nan agenda, manera nan ta aparenta, mester bay laga haci investigacion. Mi a amplia mi denuncia y si CTC ta kere cu su bon nomber ta wordo atacha, e sa cua caminda e tin di cana. “VOL VEWACHTING KLOPT MIJN HART”!!

15 views0 comments