GOBIERNO DI MEP POR Y RED A LAGA CENSURA PROGRAMA DI TELEVISION DI AVP



Partidonan di gobierno, MEP POR y RED no sa kico mas nan haci pa stroba partido AVP den e campaña di informa Pueblo y desmantela e abusonan di partidonan di gobierno, en especial di e partido MEP.


Gobierno di MEP POR y RED a purba introduci machinnan electronico pa vota y conta vota sin cambia ley di eleccion. Bou presion cu AVP a inicia a stop esaki.


MEP a cambia e rijbewijs di polis cu majoria di Pueblo tin y introduci uno cu Censo ta traha, pa stroba hende di vota cu nan rijbewijs biew.


Anto sin cambia e ley di eleccion. Prome minister Evelyn Wever Croes cu ta responsabel pa organisacion di eleccion a permiti tur esaki y a aproba tambe pa keda sin parti e lista di votadornan pa Pueblo por controla si tur hende cu bay vota di berdad tin permiso pa vota. Esaki tambe ta poni den ley di eleccion di Aruba.


Gobierno di MEP POR y RED a busca tur forma pa stroba otro partidonan pa haci uzo di medionan di comunicacion den campaña, door di uza un regla masha bieuw pa limita e uzo di radio den campaña.


Ta pa e motibo aki a hasta stop programa di radio di AVP na Canal 90 siman pasa.


TELEMEP

Un cine cu partido AVP a traha y cu mester wordo pasa na Tele Aruba diadomingo anochi a wordo censura. Mester a saca parti di e contenido di e programa pa e por wordo pasa na Tele Aruba. Partido AVP a cumpli cu e demanda aki, pero bou di protesta cu no ta di acuerdo cu e interpretacion di e ley di transmission.



E screening di contenido di cualkier programa di cualkier organisacion a base di un interpretacion misquino di e ley, ta ensera CENSURA y violacion di e derecho di libertad di expresion.


Cu esaki gobierno di MEP a demostra cu e ta capaz di haci tur cos posibel pa stroba un campaña liber y cu derechonan igual pa tur partido.

Mas laat den anochi e mes un cine, pero den su version NO CENSURA, completo, a wordo pasa riba rednan di comunicacion social.


Un biaha mas e partidonan MEP POR y RED a demostra un falta di respet enorme pa democrasia, pa trato igual, pa e derecho di expresion liber y pa participacion habri di tur partido na eleccion.


E temor di perde poder di gobierno y perdida di tur e beneficionan di ta den gobierno pa famia y amigonan, a y ta sigui pone cu MEP POR y RED ta comete barbaridadnan anti democratico sin cu tin niun forma pa stop nan.



56 views0 comments