FASE, SUBSIDIO DI SALARIO Y PAKETE DI CUMINDA LO KEDA


Dialuna atardi, durante conferencia di prensa di Gobierno di Aruba, Prome Minister Evelyn Wever- Croes a enfatisa cu e ayudo di FASE, salario y pakete di cuminda lo keda.

Covid 19 a causa hopi daño no solamente na salud, sinoeconomicamente e daño causa ta grandi. Gobierno di Aruba lo sigui enfoca riba e parti economico pasobra contrario na e parti di salud cu ta mustra di ta drentando un etapa nobo, pa e aspecto economico esaki ainda no ta e caso. Hopi ciudadano di nos pais ainda ta depende di FASE y Gobierno lo manteneFASE tambe.

FASE no ta un proyecto cu Hulanda ta financia sino un proyecto cu Gobierno ta financia hunto cu e cortamento di salario di e empleadonan publico y semi-publico. Gobierno ta trahando riba un proyecto caminda FASE ta wordo combertiden TIO pero esaki no ta cla ainda. Prome Minister a enfatisacu por lo pronto no mester tin preocupacion cu FASE lo bay stop.

Pa loke ta trata subsidio di salario, Prome Minister a duna di conoce cu esaki tambe ta bay keda pa esnan cu mester di dje. Cada luna ta mira cu poco poco e doñonan di trabou ta para riba nan propio pianan financieramente y no ta haci uzo di subsidio di slario.

“Awe nos a haña un bunita carta di danki di un hotel gradiciendo Gobierno pa cu e ayudo di subsisdio di salariopasobra cu ta 130-140 mama y tata di famia tabata depende di e subsidio aki pero esaki ta e prome luna cu nan no mester di esaki mas. Esaki sigur ta algo hopi bunita. Pero nos lo sigui cu ne te fin di aña aki pa tur esnan cu mester di dje”, PromeMinsiter a duna di conoce.

Pa loke ta trata e ayudo di cuminda, Prome Mininster a dunadi conoce cu entante 1 di July Gobierno lo tuma esaki over yacu Cruz Cora a indica cu nan no por sigui cu esaki mas. Dia 7 di juni tur esnan cu ta bin na remarke pa pakete di cumindapor registra na Fundacion Nos Comunidad pa asina nan por bin na remarke pa haña nan pakete entrante 1 di july. Hulandaa indica cu e ta dispuesto pa financia esaki 3 pa 4 luna y despues nos Gobierno lo mester tuma esaki over. Y si mesterfia placa pa esaki, lo preste di Hulanda.

Financieramente Aruba a wordo afecta pa Covid enormementegrandi y Aruba ainda ta leu di recuperacion. P’esey ta enfocaprome riba salud y e parti economico di cada persona pa despues enfoca riba e parti financiero. Cada kwartaal Aruba ta depende riba sosten di likides di parti di Hulanda. E entradanan di impuesto no ta suficiente pa cubri tur gasto y pa cua motibo ta preparando pa e peticion di asistencia financierodi likides di Hulanda pa e di tres kwatrtaal di e aña aki. Promedi juli mester e sosten pa juli, augustus y september. Pues den juni e peticion aki mester wordo aproba pa Rijksministerraad.

Consecuentemente e medidanan cu nos a bin ta implementando pa cumpli cu Hulanda ta keda na vigor. PromeMinister ta referi aki na e cortamento di salario di empleadonan publico y semi-publico. E vakantie uitkering ta wordo paga na 50% mescos cu aña pasa pero e placa ey teycaba y salarionan tambe ta grantisa. Pues aki tampoco mestertin preocupacion.

“Mientras cu Gobierno ta sigui den negociacion cu Hulandaden cuadro di landspakket, COHO y RAFT, nos ta purba trecestabilidad y trankilidad den cada hogar. P’esey nos a mira cu nos ta logrando y a cuminsa flexibilisa. Pero e virus t’ey ainday a costa bida di 107 persona na Aruba. Nos ta recorda nan tur dia y ta desea nan famia forsa cu e perdida.

Covid ta un virus cruel cu nos a logra domina pero nos mestersigui cuida. Gobierno ta hala atras awor retirando toque de queda y otro medida pero abo si mester sigui cuida pasobra e virus t’ey y por causa hopi daño. Ban sigui cuida y vacunapasobra nos ta stima nos mes, nos pais y nos famianan”, Prome Minsiter a termina bisando.