Falta di vision y integridad den maneho di enseñansa superior


No ta e intencion pa kibra ningun iniciativa di ningunfundacion. Pero como politico, cu berdaderamente ta bogapa mehora calidad di enseñansa y ta para pa integridad, mi tin algun pregunta y esaki relaciona cu nos compas moral y e carta cu ta circulando rond di SVOA fecha 22 di april2020.

ALGUN PREGUNTA

Supuestamente kico Minister di Enseñansa a priminti of palabra cu su consehero huridico, cu ta un miembro di directiva di dicho fundacion, cu netamente kier trece un otroacademia pedagogico na Aruba? Con integro y moralmentecorecto esaki ta? No ta papia aki di un conflicto di interes? A base di cua investigacion a yega na e conclusion, pa supuestamente propone otro academia pedagogico riba un isla asina chikito, mientras cu nos sa cu e interes pa inscribipa bira docente ya caba ta hopi abou? Ki dialogo tabatin cu IPA mes tocante henter e proceso aki di propone otroacademia pedagogico? Dicon Bisdom Willemstad no a implementa esaki na Corsou? Kisas na Corsou si e gobierno ta respeta y sostene UOC (University of Curacao) LOFO (Lerarenopleiding Funderend Onderwijs)? E iniciativa aki ta un manera indirecto pa IPA ‘bloedt dood’?

IPA ACREDITA PA NVAO

Nos mandatario- y funcionarionan di gobierno mester tenecuenta cu preparacion y recapacitacion of profesionalisaciondi nos maestronan mester tuma luga na Aruba mes, pa mediodi nos propio expertonan y logicamente, pa medio di nospropio instituto pedagogico, IPA. Instituto PedagogicoArubano (IPA) ta un instituto acredita pa NVAO (Nederlands-Vlaamse Accreditatie Organisatie) na 2012 pa prome biaha y despues na 2018.

IPA ta un instituto cu trayecto largo y a yuda forma diferenteprofesional renombra na Aruba, pero tambe den exterior.

IPA SUFICIENTE EXPERTICIO LOCAL

IPA tin hopi experiencia cu preparacion di maestro na nivel di Bachelor pa enseñansa preparatorio, basico y enseñansasecundario. Ademas IPA tin amplio experiencia cu ‘blended learning’, den cooperacion cu University of Curaçao pa diferente estudio y actualmente cu Wayne State College pa e estudio di Education Sciences na nivel di Master. IPA tin tambe suficiente experticio local necesario di e contextosocial-cultural, pa por cumpli cu e puntonan di salida di epistemologia importante den ciencia di conocemento. Ta un echo cu den e ultimo añanan no tin mucho interes bou nosstudiantenan pa e profesion di maestro. Treciendo un otroinstituto na Aruba no lo contribui na esaki tampoco. Si ta desea di incorpora e programanan (di calidad) den e programadi IPA y si tuma nota cu IPA ta traha cu otro universidad, mester por tin un dialogo pa por coopera cu otro en bes di hinca placa den algo completamente nobo. Si ta e caso cu e maestronan ta sali for di IPA y supuestamente no tin e preparacion adecua, gobierno como "bevoegd gezag" mestertraha riba e calidad di IPA.

MEP SU PROGRAMA

MEP tin den su programa di gobernacion pa implementa e Quality Assurance Program pa salvaguardia calidad di enseñansa riba varios nivel y lo stimula y promove pa IPA y UA (Universidad di Aruba) sigui of wordo acredita pa NVAO. Lo sigui stimula y sostene IPA den e acuerdonan interinsulardi cooperacion pa mehoracion di enseñansa. Den e proximogobernacion mester dedica mas atencion na profesionalisaciondi nos maestronan, basa riba contexto social-cultural Arubanopa yuda mehora e calidad di enseñansa. Pa por ehecuta e programa di gobernacion nos mester bo sosten dia 25 di juni y asina nos finalmente por traha pa bin cu enseñansa di calidady igualdad pa tur mucha, hoben y adulto, cu ta locual ami ta para p’e.

10 views0 comments