Exitoso clausura di tayernan “Desaroyo continuo & Digital 60+”ofreci pa Fundacion Movimento Ta Bida



Diamars ultimo a clausura tayernan tocante “ Desaroyo Digital “ pa personanan ariba 60 den forma di un workshop. Esaki a tumalugar den Cas di Cultura.

Durante e dia aki Fundacion Movimento Ta Bida (FMTB)a brinda un programa bon hinca den otro, den un formacomprendibel y atractivo pa tur participante. E dia a cuminsa cu palabranan di sra. Kimberley Boekhoudt di SETAR ya cu e tayernan a conta cu guia y sosten grandi di SETAR pa medio di sra. Kimberley Boekhoudt.

Despues di e charla di coordinadora di proyecto sra. Rosa Leon, a sigui presentacionnan di WEB, AZV, Aruba Bank, CMB, Do it Centre, DVG y SETAR. Ariba pantaya grandi den sala grandi di Cas di Cultura tur informacion a wordo comparti. Cada instanciaa prepara y percura pa su informacion yega na un forma cla y comprendibel na esnan presente.

Despues di cada charla tabatin oportunidad pa pregunta. Sigur ta cu esnan presente a sa di haci bon uzo di e oportunidad aki pa trece nan preguntanan, preocupacionnan y of comentarionandilanti. Aki mester gradici sra. Greta Illis-Paesch, kende tabatine guia den su man y a logra mantene e programa dentro di e orario stipula.

Un punto hopi positivo tabata tambe e oportunidad di “serviciopersonal”cu WEB, AZV, Aruba Bank, CMB, Do it Centre, DVG y SETAR a ofrece henter dia den Foyer/espacio dilanti den Cas di Cultura. Hopi hende a probecha y a haci bon uzo di e oportunidad aki.

FMTB a percura pa tur presente a ricibi un desayuno y lunch saludable. E dia a sera cu palabranan di presidente di FMTB sr. Rudy Leysner kende satisfecho y contento a felicita tur cursistay sra. Rosa Leon pa e organisacion di e evento. Tambe e presidente a haci uzo di e oportunidad pa gradici tur hende y tur instancia cu a/ta duna nan sosten y/o contribucion na e proyecto“Hunto Grandi Grandi Hunto”.

Por ultimo un tiki informacion tocante e tayernan ofreci:

- E prome tayer: Pa 3 luna den sala di SETAR. SETAR a brinda informacion tocante smartphone, whatsapp, facebook, youtube, videocalls, apps y servicionnan online etc. Na 28 participante 60 plus cu despues di e curso lo mester fungi como instructor pa e siguiente fase den bario.

- E di dos tayer: Pa 1 luna den barionanan. Instructornan nanan turno a comparti informacion na diferente lidernan di gruponan 60 plus di barionan, miembronan di OPPA y clientenan di SETAR. Tocante smartphone, whatsapp, facebook, youtube, videocalls y apps. Total 48 participante. Esaki ta e maximo permiti segun reglanan di DVG.

- Clausura di tayernan. Informacion tocante servicionanonline dor di diferente instancia. Total 120 participantehasiendo uso di distanciamento social y otro protocolnan.Maximo permiti.

FMTB cu su 10 aña di existencia ta mira un biaha mas ariba unotro logro na bienestar di Aruba. Ta gradici tur instancia y tur hende cu a contribui na e bunita proyecto aki. Danki grandisigur na CEDE Aruba cu durante tur e añanan cu a transcuri tasostene nos fundacion. Fundacion Movimento Ta Bida cu animo lo sigui traha pa trece mas proyectonan na bienestar di Aruba.

1 view0 comments