EVELYN WEVER CROES 9 AÑA Lider DI MEP

DANKI NA BO SERENIDAD, SABIDURIA Y DETERMINACION PA ENFRENTA CADA CRISIS MANERA UN MAMA PA NOS PUEBLO.



Dia 28 augustus, 9 aña pasa a toca e honor grandi pa Sra. Evelyn Wever-Croes asumi liderasgo di partido Movimiento Electoral di Pueblo, MEP. Cu un responsabilidad y dedicacion inmenso el a tuma e batuta di sr Nelson Oduber, cu a tum’e for di sr Betico Croes den felis memoria.


Lider di MEP a considera esaki desde principio como 'big shoes to fit' pasobra e logronan di nos dos ex-lidernan di MEP pa nos pais y pa Reino tabata hopi grandi y pa iguala nan, ta pasonan hopi grandi a mester dal. Esaki ta loke tambe Lider di MEP Evelyn Wever-Croes a haci y ta haciendo


E 9 añanan cu a pasa no tabata facil sinembargo hunto y danki na e sosten di tur esnan cu ta rond di dje, e por a logra y lo logra mas cosnan grandi pa Aruba.


Awe, 9 aña despues di a tuma liderazgo di Partido MEP, Evelyn Wever-Croes ta Prome Minister di Pais Aruba, marcando historia no solamente como e prome hende muhe den e posicion aki, sino pa su logronan den su Gabinete apesar di a encontra retonan cu pais Aruba hamas a yega di encontra. Retonan financiero grandi, retonan social, retonan cu nos pais bisiña y awo, e reto di mas grandi cu no solamente a impacta Aruba sino mundo henter.


Ta den retonan chikito y grandi Lider di MEP, nos Prome Minister Evelyn Wever-Croes a demostra su determinacion y dedicacion pa saca nos pueblo dilanti.

Pasobra diaramente e ta biba cu su motto, “this too shall pass”, esaki tambe lo pasa.


Danki Evelyn Wever-Croes pa e trabou incansabel cu bo ta haciendo pa nos pueblo.

Danki pa lidera nos Pueblo den un temporada hopi dificil na Aruba.

.

Pabien cu 9 aña como lider di MEP y sirbiendo pueblo di Aruba cu amor y dedicacion.


20 views0 comments

©Bo Informado