Entrega di DivitA durante un atardi placentero



ORANJESTAD, ARUBA (19 di mei 2021) – Recientemente eartesano Lia Maldonado cu a gana e competencia di “IT Challenge” a haci entrega di e prome 10 Divitanan. 10 persona cu a keda encanta cue obra di arte aki y no a duda den aporta na nos artesano local.

Aña pasa Cosecha tawata busca e “IT product” y e focus di e campaña aki tawata pa asina stimula nos artista y artesano pa por bincu un producto artesanal unico y autentico. E anochi aki LiaMaldonado cu su DivitA a gana e competencia. DivitA su nomber tawordo inspira door di e fruta di Watapana na Aruba, cu ta e Divi. E nomber ta un abreviacion di Divi tree Aruba. DivitA ta representa nos naturalesa, nos historia y nos cultura cu ta carga e orguyo Arubiano, e custumber y tradicionnan di e diferente paisnan for di unda nos hendenan a bin y e hospitalidad y bondad pa cual nan conoce nos. DivitA ta representa locual nos tabata, locual nos ta y locual nos lo bira, un recordatorio di e beyesa y fragilidad di nos recursonan y e importancia di proteha nan semper.

Lia a traha cu hopi pasenshi y amor y a wordo entrega na cas Tan Tinunda tambe esunan cu a cumpra un Divita a haya e oportunidad di ricibi un tour na Cas Tan Tin. Tur Divita a wordo entrega den nancaha y tur e ricibi un buki na unda tin mas informacion di DivitA den 3 diferente idioma. Hasta tin un DivitA ta bay Hulanda y uno Philadelphia pa asina esnan cu no ta aki na Aruba semper por cordariba nos dushi Aruba.

Aporta na nos arte local y sea orguyoso di nos mesun Arubianonan. Pamas informacion tuma contacto cu Cosecha Oranjestad na telefoon5878709. Tambe por bishita e Facebook page di Cosecha:www.facebook.com/Aruba-Cosecha.

4 views0 comments