Enfoke di reunionan interparlamentario di Reino ta riba recuperacion


Awe a cuminsa e prome dia di reunion interparlamentario di Reino conoci como IPKO. E prome dia tabata consisti di presentacionan di cada pais den Reino tocante desaroyo di nan situacion den Reino pa 2020 y sigur enfoke tabata dirigi riba e consecuencianan di Covid-19. No solamente e consecuencianan economico y financiero pero sigur riba e consecuencianan constitucional y cu esaki tambe a trece pa futuro di relacionan den Reino. Pero locual a resalta ta cu tur pais den Reino nan enfoke ta pa haci aña 2021 e aña di recuperacion.

Aña di recuperacion

Locual cu a resalta den cada presentacion di cada pais den Reino ta nan enfoke riba recuperacion. Den esaki sigur tin supreocupacionnan con lo atende cu yegada di e entidadHulandes cu mester traha hunto cu e islanan pa trececambionan, pero sigur reformanan cu ta necesario pa haciAruba fuerte un biaha mas y pa su ciudadanonan por tin futuro. Loual cu a ser accentua ta cu e cambionan aki tin di ser haci hunto y sigur lo percura pa e relacion den Reino por birauno solido, unda cu cada pais por reenforsa y fortalece nan autonomia. Un otro punto cu a resalta ta e positivismo pa haciaña 2021 e aña di recuperacion y reenforsa e posicionautonomo di cada pais den Reino. Tur cambio tin di ser hacihunto, unda cu cada pais ta haci e reformanan necesario a base di necesidad di cada pais y den dialogo pa por yega na e forma mas adecua pa implementa cada reforma. Aruba den sucaso ta un stap dilanti cu esaki, mirando cu a presenta un masterplan traha door di nos mesun yiunan di tera. E masterplan aki ta mas amplio cu e landspakktten mes y undasigur cu den e añanan nos dilanti unabes cu logra implementae cambionan necesario cu ayudo di nos mesun yiunan di tera y cu ayudo di Hulanda, nos isla por tin futuro y sigur nos por tin un finansas sano y un economia duradero cu lo basa su mesriba diferente pilarnan.

Geschillenregeling

Un punto di preocupacion cu a ser treci dilanti ta e geschillenregeling, cu ya ta bay haci 11 aña cu esaki a ser aproba den e plataforma interparlamentario di Reino. E geschillenregeling lo mester percura pa bin c’un entidadindependiente y neutral y cu ta duna conseho unda niun paisden Reino no por desvia di esaki den casonan di conflicto. Cu e introduccion di un entidad hulandes cu lo mester yuda den reforma den cada pais, y sigur por yega pa tin conflictonan y unda sigur e ley di Reino aki di geschillenregeling ta hopinecesario pa trece trankilidad y stabilidad den Reino. Actualmente na momento di conflicto riba un situacion of di un interpretacion, Hulanda por impone su boluntad por medio di articulo 43 inciso 2 di Statuto di Reino y unda cu paisnanden Reino ta den desventaha completo pa motibo cu hasta si Hulanda a actua incorecto no tin caminda di cana. Mas aindapaso consehonan cu ta bin di Raad van State ta ser poni un banda, paso esakinan ta solamente un conseho y sigur unda cu desicionan politico tin mas balor cu consehonan di Raad van State. Pesey ta di sumo importancia pa percura pa e ley di Reino pa geschillenregeling mester ser termina paralelo cu e ley di COHO p’asina por garantisa harmonia pero tambeseguridad na e paisnan den Reino.

Segundo dia di IPKO

Diahuebs lo continua e di dos dia di e reunion interparlamentario di Reino y unda cu lo enfoca den gruponandi trabou separa riba e entidad Hulandes conoci como COHO. Lo toca diferente temanan entre otro e temanan manerareforma di finansas publico, agricultura, un economiaduradero, turismo, nos situacion laboral y tambe reformananriba nivel gubernamental. Y asina lo sera e reunionan di IPKO. Despues di e dos dianan di reunionan aki cadaparlamentario di Aruba lo ta debidamente informa di entidadHulandes y tin e deber moral di splica pueblo su contenido y trabou. Mi ta spera si cu interes di partido of personal no prevalece den trece e berdad dilanti cu nos pueblo merece den bista di e situacion den nos pais na e momentonan aki y ta di vital importancia pa cada cuidadano ta na altura kico ta speranan e añan nos dilanti. Mi ta spera cu parlamentarionanpor ta suficiente madura pa papia e berdad cu pueblo, paso no ta momento di hunga politica partidista ni politica aloMachiavelli (haci tur cos pa yega na poder y keda na poderpues gaña, instiga hende, usa pandemia of otro crisis pa bruhaun pueblo etc.) pero pa informa pueblo debidamente y undahunto nos por sali di e consecuencianan cu Covid-19 a trecepa nos pais y mundo completo.

4 views0 comments