Eleccion cu un campaña dictatorial di parti cuerpo policial!


Ta un derecho eherce bo voto, pero tambe tur politico tin e mesun derecho di campaña!


A tuma nota caba algun dia e topico “ campaña y Covid “ tabata e papia di dia. Hopi politico nobo y existente cu ta organisa nan mes y haci campaña na nan manera. For di ayera por a tuma nota un sin fin di potret y video di e partido Avp cu su lider Mike cu diferente reunionan di contacto na diferente cas, na forma masha iresponsabel. Esaki segun nos a compronde no mag y ta bai contra di tur regla di manejo di covid!





Por a tuma nota cu for di siman atras avp y su lider no ta importa cu niun regla pero si kier manda carta hulanda pa vacuna, por a mira lunas atras con mike tabata reuni cu diferente profesional tocante covid y te dia di awe sin a contribui na duna ehempel na nos comunidad!




Awo e ta sali bai den hende manera cu nada no a pasa, pasobra e si a vacuna caba sin sali bisa Aruba bai vacuna! Mike ta lubida cu nos ta den pandemia y cu ansha di haña voto ta actua como un SUPER SPREADER!





Niun momento polis ni su hefe a actua pa bisa Mike cu loke e ta haci no ta bon y a lage sigi sin cu a tuma accion y awe por a mira un media mas cu comprometi na Avp saca un articulo cu polis a bai cede di mep pa atende cu aglomeracion.




Cu cua midi polis ta midi? Acaso pesey niun investigacion ta cana paso nan ta domina Hefe di polis, OM entre otro?


Awor e dianan nos dilanti nos lo mira casonan subi y nos lo ta den e di 4 ola danki na Mike. Mira Curacao fuera di control cu mas di 4500 caso activo!




E desicion ta den bo man si bo kier cuida bo mes y bo sernan stima, pero actua iresponsabel ta ilustra ken bo tin na curazon di berdad!

196 views0 comments