E Helpdesk di Censo2020 ta duna asistencia extra!


Pa medio di e comunicado di prensa aki Oficina Central di Estadistica (CBS) kier e informa e pueblo di Aruba cu desde diadomingo 11 di october 2020 e Helpdesk di Censo2020 ta duna asistencia extra na esnan cu no por yena e cuestionario di Censo2020 online of kizas no a haya e chens ainda di haci esaki. Pa por brinda e asistencia aki, personal di e Helpdesk di Censo2020 lo haci yamadanan di telefon uzando numbernan cu ta parece den e buki di telefon publico di Setar.


Di e manera aki e Helpdesk di Censo2020 kier duna mas informacion na e publico en general di e cuestionario di Censo2020 y tambe ofrece e posibilidad di completa e cuestionario via telefon for di 8’or di mainta pa 8’or di anochi. E servicio aki lo wordo brinda te cu diasabra 24 di october.


E siguiente numbernan ta wordo uza pa e Helpdesk di Censo2020 pa haci yamadanan:

699-3278, 699-3279, 699-3280, 699-3281, 699-3282, 699-3283, 699-3284 y 699-3285.


Si tin duda si un persona ta yamando for di e Helpdesk di Censo2020, tuma e nomber di e persona y tuma contacto cu e Helpdesk di Censo2020 via telefon of whatsapp na: 524-7444 di dialuna pa diadomingo for di 8’or di mainta te cu 8’or di anochi. Tambe por manda un e-mail na census20202@cbs.aw pa cualkier pregunta of pa ricibi mas informacion.


E meta principal ta pa mas hogar posibel yena e cuestionario di Censo2020 online of via telefon. Pa yena e cuestionario online mester bishita nos website: www.census2020.aw


Pasobra Aruba ta conta riba BO!


2 views0 comments