E frutonan di negligencia!


No ta momento pa culpa pero si pa bai bek 2 siman atras na momento cu via whatsapp, Facebook informacion di tur skina tabata indica cu turista nan no ta tene nan mes na regla di warda resultado of un cu tabata den un auto los perdi, cu segun DVG e tabata un fake news y cu awe e noticia a bolter full y e preguntanan a cuminsa circula. Dicon pa nos di Bo informado suministra informacion ta keda importante? No obstante cu nos tin cu cuida pero si un advertencia lo a wordo publica 2 siman pasa y un boet a wordo poni na esnan “ turista “ cu no cumpli talves awe e scenario lo tabata diferente! Tur siman pueblo a wordo informa di e forma corecto pero tog esnan conserni tin “miedo” of no ta scucha conseho di otronan pa posibel scenario manera nos tin awo! Crisis Team y su PR company priva ta faya barbaramente na momento cu situacion ta sali for di man! Tin un fayo y nan no kier acepta cu informa pueblo no kiermen saca informacion personal di un hende pero si duna pueblo chance di ta miho prepara den caso cu “ turista “ no tabata cumpli y por a activa un alarma den area cu e tabata circula pa asina hende por tuma mas medida riba nan mes. Nos ta bula bek 2 siman pasa riba whatsapp a circula potret y passport y un Number di auto di un persona “ turista “cu tabata positivo pero no tabata tin luga pa keda, un “ Turista Local “ cu a drenta aruba como residente? Infecta? Sin paradero? Famia a core cune? Tur pregunta den laira sin contesta cu 12 ora despues a resulta segun DVG un mentira un fake news! Den conferencia di prensa 3 dia despues DVG a bisa tabata tin algo pero eno tabata un peliger! Mesun momento a cuminsa circula otro “ Fake News “ Turista a cabi yega y a pasa aki, aya, sin warda resultado pero tampoco tabata un menasa pa pueblo segun esnan conserni! Por a tuma nota diferente “ Evento Publico y Priva “ na unda hende tabata aglomera sin control di esnan conserni video a cuminsa circula pero nada a sali na cla tur esaki 2 siman pasa! Dus ta di spera cu e casonan por redobla pronto y gobierno lo escala medidanan! Warda escala medida? Miho gobierno no escala medida paso e virus aki no tey desaparece, pueblo y mundo mester siña biba cune. Ta yega un momento cu si nos keda bai atras nos ta seca muri! Nos Team pendiente pa informacion despues di a wordo ridiculisa pa algun otro medio di prensa “ Jaloers “ no tabata sorprendi cu e noticia paso esey ta e lapso di tempo cu e virus ta gara forsa pa asina propaga su mes! Durante conferencia di prensa di gobierno por a scucha Prome Minister menciona 2 siman pasa algun biaha y esey a hasi hopi dolor! Dolor paso DVG y su PR Team no a informa pueblo y a sconde e berdad door di saca un comunicado cu mentira, nunca a sali afo y adverti pueblo y a opta pa keda keto y pesey 2 siman después transmission local a bira activo y for di control! Corda no ta un caso sino varios cu hende ja no tabata kere prensa of msg cu tabata circula rond paso niun fuente official tabata duna claridad! Awe por mira atras cu pa falta di ta honesto y transparente den e casonan cu a circula rond nos transmission local a lanta cabes bek y a redobla den un lapso cortico! Kier a tapa eror humano cu un comunicado di prensa sin tene cuenta cu e efecto negativo pa cu e situacion actual! Awe mundo musical ta sufri atrobe, horeca y te hasta viajeros cu a plania nan vacacion pa Aruba ta riba un liña si cos mester bai for di man pa falta di ta transparente cu informacion! Ora mi refleha riba ta transparente no kiermen divulga nomber fam etc ta sali bisa pueblo ( Ta alerta pa turista cu no ta cumpli y ta conciente cu abo ta e unico cu por yuda bo mes pa evita di pega of sigi plame ) Pueblo “ algun hende “ a tuma e informacion circulando rond te hasta riba nos media pa un joke cu a resulta AWE di ta berdad pero un berdad cu un sabor amargo mas hende positivo cu nos a conose durante 1 luna cu turista nan a drenta nos pais! Awo algun luna atras a pone tur negoshi registra cu tanto fan faria y tog tabata tin fayo? Negoshinan a inverti den cambio y regla stipula pa DVG y Team di ATA pa haña un sticker ( cello ) cu ta cumpli cu e maneho. Pero unda fayo ta? Unda mas tabata tin fayo? E lugarnan menciona den un comunicado ayera a cumpli cu e reglanan? Nan a haña e famoso sticker ( cello )? Kiko e maneho aki ta siña nos awe? Nos a comunica cu algun doño di restaurant, bar y Gym y nan ta pone e medida den practica, algun bar nos por a tuma nota cu NIUN medida a wordo tuma cu ta na entrada so y na momento di control di esnan conserni tur cos tabata na nan lugar. Pero por pasa cu e situacion no a sali fe man na e luganan menciona pa DVG por mas bien ta cu hende contagia cu e virus a drenta pega mas hende den e 2 simanan cu a pasa. Nos ta kere cu e control no ta efectivo y cu talves e departamento ta carga cu mucho responsabilidad, talves no ta estricto suficiente of ta estricto cu e desconosi y e amigo no? Con por yuda controla e situacion awo cu e ta mustra di por ta saliendo for di man? Hala atras y sera bar no ta e solucion pa e enemigo invisible aki, mas bien mester bringa e enemigo aki mas duru door di aumenta control y structura protocolnan sin hala atras. Virus aki no ta bai termina of caba y e casonan actual ta refleha ni con bon prepara bo ta sin transparencia y informa pueblo ta keda importante pa asina nos bringe HUNTO! Refleha awo 2 siman pasa bo no tabata kier pueblo drenta den panico pero awo pueblo a perde cabes, musico nan a lanta y asina tin mas cu lo lanta paso nan ta contra di e medidanan introduci atrobe! Na final nos como pueblo mester cuida pero cu un advertencia nos por cuida mas y ta mas consiente di e posibel scenario. Negoshi Mester mantene nan mes na regla y cuida bon esnan cu ta bishita nan luga, no ta tur cos ta tarea di gobierno pero di bo mes! Tarea di gobierno ta pa implementa regla y adapta un maneho responsabel pero logico pa Aruba por keda bai dilanti y no ATRAS! Sera luga bek no ta bai yuda elimina e virus! Crisis team y PR TEAM PRIVA stop di tarda pa informa pueblo! Cada seconde laat por refleha den hopi caso extra! Pueblo ta educa pero e virus aki bono por mira! Ban ta mas alerto! Ban suministra informacion na tempo! Like, Share, Comment Team Bo informado

Aa

163 views0 comments

©Bo Informado