Dvg y Crisis team un biaha mas ta comete blunder!!!


Dvg y Crisis team un biaha mas ta comete blunder y na final tog no por mete cu lugar nan cu ta sigi regla!

Nos a tuma nota awemainta di un comunicado cu a sali for di crisis team y dvg mencionando nomber di fiesta, lugar, persona, hasiendo publico un menasa di cierre di e lugarnan menciona. Nos redaccion ta bolbe bai bek algun luna atras ora cu turistanan / local no tawata mantene nan mes na regla y a contagia cu virus di Covid-19 sin warda resultado tabata pasa parti virus na diferente lugarnan rond mientras cu prensa a adverti dvg y crisis team i nada no a wordo hasi. Dvg a sali bisa cu no ta berdad y cu tur cos tawata bou control y Aruba a wordo asota pa un cantidad halto di contagionan 2 siman despues!


Kiko nos por bisa? Crisis team no ta siña di nan error? Nan no ta ni siña di nan foutnan cometi y cu esey lo por trece un di 3 wave pa nos pais si nan no cambia forma di dirigi e crisis aki? Cu ki midi nan kier midi?

Na July actividadnan cu massa di publico a tuma lugar mientras no tabata tin caso, pero asina mes sin control eventonan priva tabata tuma lugar, na Augustus ora cu casonan tabata den halto a tuma lugar evento na palomarga pero ey tampoco niun musca a bula! Awo cu tin algun solista cu ta canta na un bar di hotel pa hende sinta na mesa e la bira un menasa y dvg y crisis team kier saca huña y menasa?


Ki dia DVG y Crisis team por sinta na mesa cu musico, bar, nightclub etc pa cuminsa structura un maneho pa pronto habri bek? Kiko nos ta warda? Dicon bai den guerra mencionando nomber di nos hendenan cu ta traha duru pa nan pan y ta muriendo di sed di no por traha?


Mundo di entretenimiento ta sufriendo esey ta e punto grandi y nos a compronde cu for di 1 presentacion di un cantante di un banda local cu DVG y crisis team ta mal informa su mes y ta comete fayo ora di hasi publico e comunicado aki.

Ora mester a controla no a haci nada awe kier hiba un campaña di menasa contra e mundo di entretenimiento!

Nos redaccion tambe a compronde cu un di e lugarnan menciona ta fout cu tambe ta hasi cu ta pone den duda e trabou di esnan di crisis team!


E postura aki di crisis team ta daña e esfuerzo di Prome Minister y Minister Dangui Oduber paso ta mustra cu DVG y Crisis Team of compania di PR no tin hende cu ta tuma desicion corecto na e momento di publica un comunidado.


Foto 1 fiesta publico priva cu a cobra pa drenta y cu dj y artistanan local!





Foto 2 Evento cu KPA a duna permiso na augustus ora tabata tin caso activo!





Foto 3 Evento publico na Drive inn tambe cu permiso!