Departamento di Cultura su encuentro y bonbini na John F. Kennedy Education Center.

DEPARTAMENTO DI CULTURA ARUBA (DCA) CU SU ENCUENTRO DI INFORMACION

Y BONBINI NA JOHN F. KENNEDY EDUCATION CENTER


Oranjestad – Departamento di Cultura Aruba (DCA)tabatin su encuentro di informacion y bonbini na su empleadonan cu awor ta situa na John F. Kennedy Education Center na Stadionweg # 37, Oranjestad Aruba.

Diabierna tabatin un encuentro ameno caminda cu Staf y empleado di DCA a topa otro hunto cu esnan encarga cu e edificio di JFK Education Center. Prome a trata y participa informacionnan necesario cu ta conta pa e edificio di JFK Education Center. Drs. Siegfried Dumfries, director (DCA) a plica esakinan y a elabora riba e mudamento. Na un dado momento sra. Jeanine Tujeehut, Hefe di Administracion y Finansas e ser sorpendi cu un ramo di flor di parti di e empleadonan den gratitud pa tur e trabou haci relaciona cu e mudamento durante dianan di fiesta y cu tur cos a cana bon.

Sr. Peter Auwerda, Consehero di Minister di Educacion, Ciencia y Desaroyo Sostenibel y sr. Danny Maduro, Coordinado Asuntonan Arkitectonico na DEA, ambos a hiba palabra pa informa tocante e reglanan di e edificio di JFK Education Center y con tur cos a bay. Nan tabata contento con sra. Jeanine a regla tur cos y tur cos a cana nechi. Asina e desea tambe na tur empleadonan di DCA un bonbini den JFK Education Center.

E tabata un atardi ameno den e seccion di cantine di JFK Educacion Center. Na final drs. Dumfries, director a gradici coleganan Jeanine Tujeehut y Julie Merencia, hefe di Seccion di Implementacion y kende tambe ta hefe interino di DCA. Na e mesun momento a invita tur hende pa e brindis na e ocasion aki.

4 views0 comments