Den su desesperacion Mike Eman ta ataca Ministerio Publico na un manera infantil y sin argumentacion


Enberdad Mike Eman no ta caba di sorprende nos. Su wega di manipulacion continuo tin ora ta irita mi pero na mesmomento ta haci mi consciente cu nos mester sigui papia y informa.

Den caso di Ministerio Publico ta bon pa pueblo sa cu Gobierno ni Parlamento tin algo di bisa. E poder hudicial ta traha independientemente y no obstante e echo cu tin ora nosno ta di acuerdo cu cierto desaroyo of tin critica, nos mester ta consciente cu nos no por sin mas na un manera infantil y sin argumentacion ataca Ministerio Publico of atacha nan credibilidad.

Den e caso aki mi ta compronde cu lider di AVP sr. Mike Eman ta desespera mirando cu esaki ta un otro caso mas di corupcion cu hendenan di su partido ta keda acusa di dje. Yatin ex-minister cu a keda condena, otro ta bou sospecho y esnan cu a traha cerca di nan a keda deteni. Un situacion hopigrave y preocupante pa e partido, sigur na vispera di eleccion.

Facil pa Mike Eman sali grita y crea e percepcion cu aki lo ta trata di persecucion politico. Esaki sigur no ta berdad y ta interesante pa sa kico un Arthur Dowers of Robert Candelariadi AVP ta pensa di e insinuacion aki. Realidad ta cu cos a biracayente mirando cu a aresta 3 persona afilia na AVP den e caso Avestruz caminda Benny Sevinger tambe ta un sospechoso. Ta bon pa pueblo corda cu Benny ta kedasospecha di a maluza su funcion como minister, di a cometesoborno y estafa, di a laba placa y cu el a falsifica documento. Ta hopi grave cu un parlamentario, ex-minister, un representante di pueblo awe ta keda sospecha di a hacinegoshi cu tereno di nos pais y na e manera akiprobablemente a enrikece su mes. Den casonan asina mayoriadi biaha un politico lo retira como minister of parlamentario teora e caso keda termina. Lastimamente esaki no ta conta pa e politiconan di AVP.


Pa termina mi lo bisa Mike Eman: Dal bay manda bo carta pa Hulanda numa! Realisa si cu Landsrecherche ta wordoreenforsa pa Recherche Samenwerkingsteam (RST) di Hulanda y cu e sa bon bon con y door di ken MinisterioPublico ta wordo lidera. Mihor Mike Eman cuminsa traha naintegridad interno di su partido y conseha su parlamentarionanpa aproba e ley di screening ministers (integridad), demostrando asina cu enberdad nan ta duna contenido real napalabranan bunita cu nan ta uza diariamente.

26 views0 comments