Declaracion di sr Richard Arends ta tipifica un sinberguensa


Nos por a tuma nota di declaracionana sr Richard Arends unda cu su persona ta hustiica su fechorianan bisando cu ta pueblo mester a vota diferente na 2013 y awo un biaha mas ta expresa su mes cu rapporta di RDA a laga Minister President keda laaf. E tipo di expresionan aki ta di un sinberguensa cu no ta interesa mes cu pueblo pero e unico cu ta con ta p’e por enrikese su mes riba custia di pueblo y segun su persona cu autorisacion di pueblo cu a vota pa AVP.

Ken ta Richard Arends?

Richard Arends su trayectoria a cuminsa na 2009 ora cu su persona a bira consehero primordial y intimo di ex Minister President Mike Eman y ex Minister sr Mike de Meza. Su persona e periodo ey tabata tin un super salario schaal 16 plus 25% di toelage, plus auto y telefon toelage riba esaki, pero nos por a biba cu esaki debi cu e tabata consehero di dos ex Minister pareu. Pero cos despues di 2013 paso sr Richard Arends a cambia su combenio di trabao pa uno directo cu su compania conoci como Horizon Consultancy. Unda su persona a haya un contrato pa por ta consehero di sr Mike Eman y sr Mike de Meza pa un salario di 16.400 pa luna. Pero su persona no a keda contento cu esey y a haci mal uso di su poder di consehero di ora di sr Mike Eman y sr Mike de Meza pa drenta nos N.V.’snan y explota esaki nan con cu e kier. Sr Richard Arends a dicidi cu su persona ta bira organisador di Europe Meets America y a strica 300.000(WEB/ELMAR/UTILITIES), a bira organisador di Green Conference y a strica nada menos cu 975.000 florin(WEB/ELMAR/UTILITIES).


Y asina cu concientisacion di sr Mike Eman y Sr Mike de Meza sr Richard Arends a sigui drenta nos NV’Snan y ultimo a toca RDA. Den esaki sr Richard Arendsa manera a bin ta pasa caba den nos NV’snan ta traha sin un contrato escrito y niun caminda por saca afo su balor agrega paso e no por a duna ningun conseho ni legal ni financiero. Den RDA su perosna a drenta como consehero pero su mesun dia cu el a drenta misteriosamente el a ser apunta pa sr Mike de Meza como e di dos persoan cu ta firma riba cuentanan di RDA y FMSA. Mas pio tabata ora bin saca afo cu sr Richard Arends cu concientisacion di sr Mike de Meza a ser nombra mane ladron di anochi como e director fianciero di RDA y banda di esey su compania a sigui traha cu RDA. En total den menos cu un aña sin produci nada sr Richard Arends den un paar di luna a strica alrededor di 445.000 florin na RDA.

Richard Arends minister y ainda ta sigui paga su mes den RDA

Sr Richard Arends a huramenta como Minister dia 28 november 2016 y unda a distancia su mes di RDA y sigur unda su persona a delcara cu no tin ningun relacion di trabao cu RDA. Pero den e rapport forensico pueblo por wak con su persona ainda dia 30 di november 2016 a paga su mes y su compania sumanan astronomico riba su cuenta personal(145.308,75) den un dia. Ta con sr Richard Arends por hustifica cu su persona ta un minister y ainda ta hacipagopnan personal via RDA y a declara cu no tin niun relacion di trabao cu RDA.

Richard Arends a gaña cu no tin relacion di trabao cu RDA.

Sr Richard Arends a sali boca grandi y bisa cu nunca e tabatin un contrato cu RDA, mientras cu na final di dia a bin resulta cu ela ser nombra como director financiero di RDA c’ un contrato lucrativo c’ un salario di 22.375 florin pa luna, mas vakantieuitkering 1/12 di su salario annual, un bashipremie di 1/8 di su salario annual y na fin di November otro bonus di 1/8 di su salario annual. Banda di esaki por wak su beneficionan rigoroso manera un auto balora na 80.000 florin, gasolin 350 pa luna, telefoon, seguro medico pa famia completo y sigur pensioen paga cu placa di pueblo.

Pa termina pa awe cu sr Richard Arends ta keda na pueblo pa dicidi si esaki ta algo normal y sigur si abo como pueblo lo bay sostene sr Richard Arends cu AVP, unda cu AVP a demostra di ta un Universidad di Corupcion cu a hiba Aruba den bancarota mientras sr Richard Arends si a bira un miyonario riba custia di pueblo y awo sin sentimento ta bisa cu ta pueblo a vota p’e pa e por haci su sinberguenserianan y despues su persona sin consenshi a vota contra FASE, Loonsubsidie y ayudo na comercio paso su cuenta di banco si ta bon gordo.

58 views0 comments