Cumpliendo cu e vision pa tur ciudadano tin un hogar


GABINETE WEVER - CROES REALISANDO DIFERENTE PROYECTO DI VIVIENDA A TRAVES DI FCCA


Prome Minister sra. Evelyn Wever - Croes a wordo invita door di FCCA pa mira 7 diferente proyecto di vivienda den diferente districto rond Aruba. Minister di Labor, señorGlenbert Croes, tambe tawata presente na e recorido aki. Algun di e proyectonan ya a finalisa, por ehempel na TankiLeendert y otronan ta den ehecucion manera na Rooi Bosal.

E vision di Gabinete Wever – Croes, poniendo e ser humanocentral, ta inclui yuda tur ciudadano yega na nan cas. Y a traves di e proyectonan aki por bisa cu ta riba e bon caminda. A bishita e proyectonan na Wegkustbatterij (12 cas), Kiviti (71 cas), Isaac Wagemakerstraat (8 cas), Rooi Bosal (46 cas), Hato(8 cas), Tanki Leendert (36 cas).

Ta importante pa mira con e proyectonan di FCCA ta wordoricibi tambe den comunidad. Durante di e recorido PromeMinister tabatin e oportunidad pa combersa cu algun habitantecu ta hopi contento cu nan tin nan cas. Gobierno tambe ta contento cu a traves di e sosten cu ta duna FCCA, por lograesaki.

Pa conclui, Prome Minister a expresa cu apesar cu e Pandemiaa stroba hopi cos, tin e speransa cu pronto lo por continua cu e trabounan. Pa esaki mester cooperacion di cada ciudadano di Pais Aruba, pa hunto logra cu tur hende por tin dak riba nan cabes.

3 views0 comments

Recent Posts

See All