Creative Europe


ORANJESTAD - Oficina pa Relacionnan di Union Europeo y di Reino ta invita tur esnan den sector di media y cultura y cu tin gana di expande nan horizonte y coopera riba nivel internacional pa participa na e sesion online di informacion encuanto e programa di fondo di Union Europeo “Creative Europe”.


Comision Europeo a aproba diferente programa di Fondo pa e periodo 2021-2027. “Creative Europe” ta un di e fondonan na cua organisacionnan activo den sectornan relevante di cultura y media por participa.


“Creative Europe” ta e programa di financiamento di Union Europeo cu ta sostene e sector cultural y audiovisual. Su meta ta pa desaroya y promove diversidad cultural, linguistica y conserva herencia, como tambe pa aumenta competitividad y potencial economico di e sectornan cultural y creativo, particularmente e sector audiovisual.


Proyectonan di cooperacion, plataformanan pa promove artistanan nobo, rednan di organisacion cultural y creativo, television, distribucion di pelicula y educacion di cinematografia ta algun di e hopi oportunidadnan cu e fondo aki ta duna pa apoya artistanan, musiconan, prensa y esnan activo den cine.


“Creative Europe” tin como meta tambe pa aumenta competencia den sectornan cultural, asistiendo nan den nan esfuerso pa bira mas berde, mas digital y mas inclusivo.


Bo kier sa mas? Den e sesion interactivo online organisa pa DutchCulture lo duna informacion encuanto kico e programa por significa p’abo y bo organisacion. Tambe bo lo haya informacion ariba temanan Europeo relevante pa e programa y callnan nobo cu lo sali, y e proyectonan lo por inspir’abo ora bo haya sa di e proyectonan cu a haya aprobacion den pasado na Hulanda.


Fecha: 14 juni 2021

Ora: 9.00 – 11.00 or (via YouTube)

Idioma: Hulandes

Pa mas informacion y registro contact: info@arubagovernment.eu

Of bishita nos website: www.europehousearuba.org

2 views0 comments